advertisements

Tacsida Marxuum Adan Xersi Warsame iyo Suldaan Cumar Suldaan Faqi


INAA LILAAHI WA INAA ILEEYI RAAJICUUN

Waxaa bishan September 15keedii ku geeriyoodey magaalada Muqdisho Suldaan Cumar Suldaan Faqi Xaji Awiis oo ahaa Suldaanka Beesha Tunni.  Suldaan Cumar Suldaan Faqi wuxuu ku dhashey Magaalada Barawe Sanadka marku ahaa 1921. 
 
Marxuumka wuxuu ka mid ahaa tageerayaasha ururka gobanimadoonka Somaliyeed ee SYL isagoo si gaar ah ula shaqeeyey Sh. Cabdulqadir Saqawadiin iyo Mohamed Cusman (Baarbe).
 
Wuxuu Sanadka marku ahaa 1955 uu ku biirey Ciidanka Booliska Somaliyeed. Sanadka 1968 wuxu ka ruqseystey Ciidanka Booliska isagoo isu diyaariyey inuu ka qayb galo doorashada Baarlamaanka Soomaliyeed. Marxuumka wuxuu kaloo ka soo shaqeeyey Bangiga Ganacsiga Soomaliyeed. Suldaan Cumar Suldaan Faqi wuxu ka dhaxley suldaanimada Beesha Tunni aabbihii Suldaan Faqi Xaaji Awiis. ( Wada Aqriso)

General Adan Xersi WarsameWaxaa bishan September 14keedii, 2007ku geeriyooday magaalada Gaalkacyo, General Aadan Xersi Wasame oo muddo dheer madax ka ahaa dugsiga caanka ee tababarka Booliska Soomaaliyeed ee loo yiqiinay "Scuola Polizia " degmada Xamar Jab-Jab. Marxuumka wuxuu ku dhashay Magalada Gaalkacayo sannadkii1920kii..  Wuxuu ku barbaaray  waxabarashadiisna ku dhamaystay magaalada Galkacyo. Waxaa uu kamid noqday ciidankii Somaaliyeed ee Ingriisku qoray. Wuxuu tababarkiisii ugu horeyey ku dhameystay magaalada Iskushuban ee gobolka Bari 1942dii. Wuxuu gaaray darajadda saddex allifle 1947 dii, oo aheyd darajadii ugu sarasay ee wakhtigaas  Ingriisku bixiyo.

 

1950kii Wuxuu marxuumku ku wareegay ciidamaddii Booliska soomaaliyeed ee talyanigu sameeyey, wuxuuna ka qabtay jagada kormeera sadaxaad. 1954, wuxuu noqday sarkaalkii ugu horeeyey ee Somaaliyeed ee Talyaanigu ku wareejiyeen saldhiga Booliska ee Degmada Afgooyo. 1960, wuxuu marxuumku noqday taliyaha ciidanka Booliska ee gobolka Mudug. 1961, wuxuu noqday taliyaha dugsigii tabarka ciidanka Darawiishta ee gobolka Hiiraan. Wxuuna  ahaa  aas aasahii  ciidanka Darawiishta lagu sameeyey gobalka Hiiraan oo tiradoodu ahayad 2000 oo askari . (Wada Aqriso)

More News