10/1/2022
Today from Hiiraan Online:  _
Wararka Maanta- Isniin, Jun 27, 2022
Guddiga cunaqabataynta hubka ee Soomaaliya oo sheegay inay dowladda cusub kala shaqeynayaan cuuryaaminta dhaqaalaha Alshabaab

Isniin, Juun, 27, 2022 (HOL) - Guddiga golaha ammaanka uqaabilsan cunaqabateynta saaran Soomaaliya ayaa sheegay inay dowladda cusub ee Soomaaliya kala shaqeynayaan cunaqabateynta hubka, curyaaminta dhaqaalaha Al-Shabaab, arrimaha bini'aadantinimada iyo dhoofinta dhuxusha.

Guddiga ayaa warbixin uu soo saaray ku sheegay inuu ka walaacsan yahay xaaladda amni ee Soomaaliya iyo weerarrada sii kordhaya ee Alshabaab.

“Guddigu wuxuu taageersan yahay dowladda federaalka Soomaaliya iyo la-hawlgalayaasheeda in ay sameeyaan dadaallo kala duwan oo lagu qallajinayo dhaqaalaha Al-Shabaab iyada oo la qabanayo lacagaha lagama maarmaanka u ah howlaha kooxda. Dadaalladaas ayaa noqon doona mid wax ku ool ah oo keliya marka la helo xog-wadaag iyo wadashaqeyn dhab ah oo dhexmarta Dowladda Soomaaliya, Dowladaha deriska iyo saaxiibada caalamka, iyadoo la kaashanayo Guddiga Khubarada,” ayuu lagu yiri warbixinta guddgan.”

Guddigan waxay warbixntooda ku sheegeen, in inka badan 2,600 oo carruur ah loo geystay gudubyo. Sidoo kale waxay sheegeen inuu jiro 50 kiis oo kufsi iyo noocyo kale oo xadgudubyo galmo ah oo ay geysteen Al-Shabaab, Ciidamada Dowladda, maleeshiyo beeleed iyo ciidamada dowlad goboleedyada.

Waxay carrabka ku adkeeyeen baahida loo qabo wadashaqeyn iyo tallaabo mideysan oo ka dhacda golayaasha dowladda dhexdooda, taasoo muhiim u ah hubinta in si adag loogu hoggaansamo dhammaan tallaabooyinka cunaqabateynta hubka.

Abdiweli M. Sheikh, Hiiraan Online
[email protected]












Click here
6/27/2022 9:22 AM EST
Isniin, Juun, 27, 2022 (HOL) - Madaxweynaha Somaliland Muuse Biixi Cabdi, ayaa badalay 8 masuul oo xukuumadiisa ka tirsan, kuwaasi oo iskugu jira 2 wasiir, 2 wasiir ku xigeen, 3 madax hay'adood ah iyo 1 gaasime wasaaradeed, wuxuuna magacaabay 13 masuul oo kale.

6/27/2022 4:51 AM EST
Isniin, Juun, 27, 2022 (HOL) - Wararka naga soo gaaraya deegaanka Qabno ee duuleedka degmada Matabaan ee gobolka Hiiraan ayaa sheegaya in halkaasi uu haatan ka socdo dagaal culus oo u dhaxeeya dagaalamayaal ka tirsan Al-shabaab iyo ciidamada dowladda Soomaaliya.

6/27/2022 4:44 AM EST
Isniin, Juun, 27, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa dhambaal hambalyo ah oo ku aaddan sanad guurada 45-aad ee xornimada dalka Jabuuti u diray dhigiisa Madaxweynaha dalka Jabuuti Ismaaciil Cumar Geelle.

6/27/2022 2:56 AM EST
Isniin, Juun, 27, 2022 (HOL) - Wararka ka imaanaya inta u dhaxeysa magaalooyinka Baledweyne iyo Matabaan ee gobolka Hiiraan ayaa sheegaya in qarax miino uu haleelay gaari ay saarnaayeen wariyaal iyo askar ka tirsan ciidamada dowladda Soomaaliya.

6/27/2022 2:16 AM EST
Isniin, Juun, 27, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa Wasiirka Warfaafinta Somaliland Saleebaan Yuusuf Cali koore, ugu baaqay in uu calanka Somaliland geeyo Taleex iyo Buuhoodle.

6/27/2022 2:15 AM EST
Isniin, Juun, 27, 2022 (HOL) - Guddoomiyaha xisbiga mucaaradka Somaliland ee Waddani, oo u jawaabay wasiir Koore oo sheegay in ay Somaliland cid gaar ahi yeelatay, ayaa sheegay in hadii qabyaaladi jirto isaga laga rabo in uu hagaajiyo.

6/27/2022 2:13 AM EST
Isniin, Juun, 27, 2022 (HOL) - Odayaal iyo waxgarad kasoo jeeda deegaanka Qudus ee gobolka Jubbada Hoose ayaa ku eedeeyay ciidamada maamulka Jubbaland dhibaatooyin dhawaan ka dhacay deegaanka Qudus.

6/27/2022 2:08 AM EST
Isniin, Juun, 27, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in deegaanadiisu ay u baahanyihiin in ay madaxtinimada qabtaan, oo anay cid gaar ahi uun isku koobin.

6/27/2022 2:06 AM EST
Isniin, Juun, 27, 2022 (HOL) - Wasiirka Arrimaha Guddaha Somaliland Maxamed Kaahin Axmed, ayaa madaxda xisbiga Waddani ku eedeeyay in anay ahayn masuuliyiin qaran oo arrin qaran doonaya.