10/1/2022
Today from Hiiraan Online:  _
Wararka Maanta- Isniin, Jun 27, 2022
Guddoomiye Xirsi: Koore waxan leeyahay hadii ay qabyaaladi jirto adaa ka wasiir ah
 

Isniin, Juun, 27, 2022 (HOL) - Guddoomiyaha xisbiga mucaaradka Somaliland ee Waddani, oo u jawaabay wasiir Koore oo sheegay in ay Somaliland cid gaar ahi yeelatay, ayaa sheegay in hadii qabyaaladi jirto isaga laga rabo in uu hagaajiyo.

Xirisi oo wasiir Koore hadalka uga danbeeyay, ayaa sheegay in wasiirka cabashada ay ka keentay, kadib markii laga bad badiyay ka hadalka urrurkii dib u  xoraynta Soomaaliyeed ee SNM, taasi oo uu sheegay in ay keentay habka taariikhda looga warramo oo aan balaadhnayn.

"Wasiir Koore oo halkan ka dhawaajiyay markaynu ku dhaga barjaynay malaha SNM, waa qaladkeena oo mid waan qiraya, oo beelihii SNM soo ahaa, in ay taariikhda u dhigi waayaan hanaan beelaha kale inala yeeshaan, oo ay inala difaacdaan, oo aanu qofna ka jidhiidhicoon" ayuu yidhi Xirsi.

Xirsi ayaa wasiirka usoo jeediyay in hadii wax dhibaato ahi ay jirto, in uu isagu wax ka qabto oo uu saxo, madaama oo uu isagu wasiir yahay, lakiin aanu sidii shakhsi mucaarad ah u hadal.

"Waxan leeyahay intaa isaga dulqaado, lakiin adiguna mid naga daayo wasiirada waxan leeyahay, hadii aad kaalintii muxaafadka iyo mucaaradka wada qaadataan ... haday qabyaaladi jirto adaa ka wasiir ah, haday dhibi jirto adaa ka wasiir ah" ayuu yidhi Xirsi.

Jawaabta Xirsi ayaa timid kadib markii Wasiirka Warfaafinta Somaliland Saleebaan Yuusuf Cali Koore uu ku andacooday in cid gaar ahi ay doonayso in ay Somaliland yeelato. Hadal jeedinta ayaa ka dhacday madal lagu soo bandhigayay buug laga qoray madaxweynihii hore ee Somaliland Cabdiraxmaan Axmed Cali (Cabdiraxmaan Tuur).

Abdilahi Geel-maal, Hiiraan Online
[email protected]












Click here
6/27/2022 9:22 AM EST
Isniin, Juun, 27, 2022 (HOL) - Madaxweynaha Somaliland Muuse Biixi Cabdi, ayaa badalay 8 masuul oo xukuumadiisa ka tirsan, kuwaasi oo iskugu jira 2 wasiir, 2 wasiir ku xigeen, 3 madax hay'adood ah iyo 1 gaasime wasaaradeed, wuxuuna magacaabay 13 masuul oo kale.

6/27/2022 4:51 AM EST
Isniin, Juun, 27, 2022 (HOL) - Wararka naga soo gaaraya deegaanka Qabno ee duuleedka degmada Matabaan ee gobolka Hiiraan ayaa sheegaya in halkaasi uu haatan ka socdo dagaal culus oo u dhaxeeya dagaalamayaal ka tirsan Al-shabaab iyo ciidamada dowladda Soomaaliya.

6/27/2022 4:44 AM EST
Isniin, Juun, 27, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa dhambaal hambalyo ah oo ku aaddan sanad guurada 45-aad ee xornimada dalka Jabuuti u diray dhigiisa Madaxweynaha dalka Jabuuti Ismaaciil Cumar Geelle.

6/27/2022 2:56 AM EST
Isniin, Juun, 27, 2022 (HOL) - Wararka ka imaanaya inta u dhaxeysa magaalooyinka Baledweyne iyo Matabaan ee gobolka Hiiraan ayaa sheegaya in qarax miino uu haleelay gaari ay saarnaayeen wariyaal iyo askar ka tirsan ciidamada dowladda Soomaaliya.

6/27/2022 2:22 AM EST
Isniin, Juun, 27, 2022 (HOL) - Guddiga golaha ammaanka uqaabilsan cunaqabateynta saaran Soomaaliya ayaa sheegay inay dowladda cusub ee Soomaaliya kala shaqeynayaan cunaqabateynta hubka, curyaaminta dhaqaalaha Al-Shabaab, arrimaha bini'aadantinimada iyo dhoofinta dhuxusha.

6/27/2022 2:16 AM EST
Isniin, Juun, 27, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa Wasiirka Warfaafinta Somaliland Saleebaan Yuusuf Cali koore, ugu baaqay in uu calanka Somaliland geeyo Taleex iyo Buuhoodle.

6/27/2022 2:13 AM EST
Isniin, Juun, 27, 2022 (HOL) - Odayaal iyo waxgarad kasoo jeeda deegaanka Qudus ee gobolka Jubbada Hoose ayaa ku eedeeyay ciidamada maamulka Jubbaland dhibaatooyin dhawaan ka dhacay deegaanka Qudus.

6/27/2022 2:08 AM EST
Isniin, Juun, 27, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in deegaanadiisu ay u baahanyihiin in ay madaxtinimada qabtaan, oo anay cid gaar ahi uun isku koobin.

6/27/2022 2:06 AM EST
Isniin, Juun, 27, 2022 (HOL) - Wasiirka Arrimaha Guddaha Somaliland Maxamed Kaahin Axmed, ayaa madaxda xisbiga Waddani ku eedeeyay in anay ahayn masuuliyiin qaran oo arrin qaran doonaya.