10/1/2022
Today from Hiiraan Online:  _
Wararka Maanta- Isniin, Jun 27, 2022
Ciidamada Jubbaland oo lagu eedeeyay iney xasuuq ka geysteen deegaanka Qudus ee gobolka Jubbada Hoose
 

Isniin, Juun, 27, 2022 (HOL) - Odayaal iyo waxgarad kasoo jeeda deegaanka Qudus ee gobolka Jubbada Hoose ayaa ku eedeeyay ciidamada maamulka Jubbaland dhibaatooyin dhawaan ka dhacay deegaanka Qudus.

Odayaasha dhaqanka deegaanka Qudus ayaa warbaahinta u sheegay in ciidanka Jubbaland ay tuuladaas gubeen, islamarkaana ay geysteen xasuuq dhimasho, dhaawacyo iyo burbur hanti dadweyne ah.

“Waxaan ka cabaneynaa dhibkii nagu dhacay, dad iyo duunyo ayey tuuladaan ku laayeen ciidamada Jubbaland, naf iyo maal wax noo ceynta malaha, gaadiid, guryo iyo duunyo ayaa si ula kac ah ay u gubeen ciidamada Jubbaland" ayuu yiri mid ka mid ah odayaasha warbaahinta la hadashay.

Waxgaradka deegaanka Qudus waxay sidoo kale sheegeen ineysan garanen sababta ciidamada Jubbaland ay u dhibaateeyeen shacabka deegaanka Qudus, iyaga oo sheegay in ciidanka ay soo dhaafeen dhowr deegaan si rasmi ahna u soo beegsaday dadka iyo duunyada ku dhaqan deegaanka Qudus.

"Ciidamada Jubbaland waxay ka soo gudbeen dhowr deegaan oo aysan waxaba ka geysan, laakiin waxay weerareen tuulada Qudus oo cid hubeysan aysan joogin, dhimasho, dhaawac iyo burbur hanti ayey u geysteen, waxaan ka canabeynaa ciidanka Jubbaland” ayuu yiri mid ka mid ah waxgaradka deegaanka Qudus.

Jamaal Cali Cabdi, Hiiraan Online












Click here
6/27/2022 9:22 AM EST
Isniin, Juun, 27, 2022 (HOL) - Madaxweynaha Somaliland Muuse Biixi Cabdi, ayaa badalay 8 masuul oo xukuumadiisa ka tirsan, kuwaasi oo iskugu jira 2 wasiir, 2 wasiir ku xigeen, 3 madax hay'adood ah iyo 1 gaasime wasaaradeed, wuxuuna magacaabay 13 masuul oo kale.

6/27/2022 4:51 AM EST
Isniin, Juun, 27, 2022 (HOL) - Wararka naga soo gaaraya deegaanka Qabno ee duuleedka degmada Matabaan ee gobolka Hiiraan ayaa sheegaya in halkaasi uu haatan ka socdo dagaal culus oo u dhaxeeya dagaalamayaal ka tirsan Al-shabaab iyo ciidamada dowladda Soomaaliya.

6/27/2022 4:44 AM EST
Isniin, Juun, 27, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud ayaa dhambaal hambalyo ah oo ku aaddan sanad guurada 45-aad ee xornimada dalka Jabuuti u diray dhigiisa Madaxweynaha dalka Jabuuti Ismaaciil Cumar Geelle.

6/27/2022 2:56 AM EST
Isniin, Juun, 27, 2022 (HOL) - Wararka ka imaanaya inta u dhaxeysa magaalooyinka Baledweyne iyo Matabaan ee gobolka Hiiraan ayaa sheegaya in qarax miino uu haleelay gaari ay saarnaayeen wariyaal iyo askar ka tirsan ciidamada dowladda Soomaaliya.

6/27/2022 2:22 AM EST
Isniin, Juun, 27, 2022 (HOL) - Guddiga golaha ammaanka uqaabilsan cunaqabateynta saaran Soomaaliya ayaa sheegay inay dowladda cusub ee Soomaaliya kala shaqeynayaan cunaqabateynta hubka, curyaaminta dhaqaalaha Al-Shabaab, arrimaha bini'aadantinimada iyo dhoofinta dhuxusha.

6/27/2022 2:16 AM EST
Isniin, Juun, 27, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa Wasiirka Warfaafinta Somaliland Saleebaan Yuusuf Cali koore, ugu baaqay in uu calanka Somaliland geeyo Taleex iyo Buuhoodle.

6/27/2022 2:15 AM EST
Isniin, Juun, 27, 2022 (HOL) - Guddoomiyaha xisbiga mucaaradka Somaliland ee Waddani, oo u jawaabay wasiir Koore oo sheegay in ay Somaliland cid gaar ahi yeelatay, ayaa sheegay in hadii qabyaaladi jirto isaga laga rabo in uu hagaajiyo.

6/27/2022 2:08 AM EST
Isniin, Juun, 27, 2022 (HOL) - Wasiirka Warfaafinta Somaliland Saleebaan Yuusuf Cali Koore, ayaa sheegay in deegaanadiisu ay u baahanyihiin in ay madaxtinimada qabtaan, oo anay cid gaar ahi uun isku koobin.

6/27/2022 2:06 AM EST
Isniin, Juun, 27, 2022 (HOL) - Wasiirka Arrimaha Guddaha Somaliland Maxamed Kaahin Axmed, ayaa madaxda xisbiga Waddani ku eedeeyay in anay ahayn masuuliyiin qaran oo arrin qaran doonaya.