3/29/2024
Today from Hiiraan Online:  _
Wararka Maanta- Sabti, Jun 25, 2022
Wasiir katirsan Puntland oo daboolka ka qaaday cidda masuul ka ahayd guul darradii Deni ee doorashada Soomaaliya

Sabti, Juun, 25, 2022 (HOL) - Wasiir katirsan maamulka Puntland ayaa ku eedeeyay xildhibaannada Puntland lagasoo doortay inay masuul ka yihiin guul darradii madaxweyne Deni kasoo gaartay doorashadii madaxtinimada Soomaaliya.

Wasiirka Tamarta iyo macdanta Puntland, Caarshe Maxamed Siciid Aw-Muuse, oo dhinaca kale kamid ahaa tiimkii ololaha doorashada Deni, ayaa daboolka ka qaaday in dhaqaale badan oo lagu bixiyay soo bixitaanka xildhibaannadan aanay suurto galin, in madaxweyne Deni uu ka helo codadkii uu kaga bahnaa.

“Nasiib darrada eedeeda xildhibaannadeenii baa iska lahaa, haddii runta la isku sheego. Waa in lagu dhiirto oo runta la isku sheego. dhaqaale badanaa lagu bixiyay, nabaro badan ayaa la isku geystay. Waxaas oo dhan waxaa loo sameynayay inaan cirbada kululaysada ku dhufano siyaasada Soomaaliya, si ay horey ugu socoto, laakiin nasiib darro ma suurtoobin,” ayuu yiri wasiirka.

Wasiirkan ayaa sidoo kale xaqiijiyay in guul darrada madaxweyne Deni kadib ay Puntland raadisay raysal wasaaraha Soomaaliya, wuxuuna sheegay in aanay ka suurtoobin xagga madaxweyne Xasan Sheikh.

Wuxuu caddeeyay inay Puntland hadda kadib ku mashquulidoonin arrimaha dhismaha dowladda federalka islamarkaana ay ka hor imaandoonto wax walba oo Puntland horey uga diiday Farmaajo.

“Wixii qaldan waan sheegaynaa, waxaan leennahay, waxaas waa laga fiican yahay. Farmaajo wax kale kuma diidanayn, Simply aragtiyo siyaasadeed ayaa lagu kala duwanaa. Haddii aragtiyo siyaasadeed oo lagu kala duwan yahay timaado, waan tilmaamaynaa. Marka wixii aan Farmaajo ka diidnay yaanan nala ku dayin ayaan leennahay,” ayuu hadalkiisa raaciyay Caarshe.

Puntland oo dowladdii hore ku ahayd mucaarad xooggan tan iyo wax yar kadib markii madaxweyne Farmaajo la doortay, lama oga wada shaqaynta dhexmari doonta madaxweyne Xasan Sheikh.

Abdiweli M. Sheikh, Hiiraan Online
[email protected]















Click here
6/25/2022 11:16 AM EST
Sabti, Juun, 25, 2022 (HOL) - Shirkada Sky Power oo ah mid kamid ah shirkadaha ugu waa wayn ee dhaliya quwada korontada caalamka, ayaa cilmi-baadhis ku samaynaysa kadibna maalgashan doonta suuqa korontada ee Somaliland.

6/25/2022 8:11 AM EST
Sabti, Juun, 25, 2022 (HOL) - Wasiirka Maaliyadda Soomaaliya, Cabdiraxmaan Ducaale Bayle ayaa maanta looga yeeray xafiiska xeer ilaaliyaha guud ee qaranka, sida lagu sheegay qoraal rasmiya oo kasoo baxay xeer ilaaliyaha guud.

6/25/2022 7:47 AM EST
Sabti, Juun, 25, 2022 (HOL) - Dagaalamayaal katirsan ururka Al-Shabaab ayaa wadada u galay oo istaajiyay Bas ay la socdeen dad rakaab ah oo kusii jeeday degmada Mandheera ee gobolka Waqooyi Bari ee Kenya.

6/25/2022 7:44 AM EST
Sabti, Juun, 25, 2022 (HOL) - Madaxda ugu saraysa xisbiga mucaaradka Somaliland ee Waddani, oo booqasho ugu tagay muwaadin kii sheegay in booliisku jidh dileen, ayaa cambaareeyay waxyeelada uu sheegay in booliisku kula kaceen.

6/25/2022 6:50 AM EST
Sabti, Juun, 25, 2022 (HOL) - Madaxweynaha Soomaaliya Xasan Sheekh Maxamuud ayaa ku bogaadiyey Golaha Shacabka ansixinta Ra’iisul Wasaaraha Xukuumadda Federaalka Soomaaliya Xamse Cabdi Barre oo 15-kii Bishan uu magacaabay Madaxweynuhu.

6/25/2022 5:34 AM EST
Sabti, Juun, 25, 2022 (HOL) - Baarlamaanka Soomaaliya ayaa goor dhowayd cod aqbliyad leh ku ansaxiyey Raysal wasaare Xamse Cabdi Barre, kadib markii uu maanta hortagay oo uu ka jeediyay barnaamijkiisa siyaasadeed ee xukuumada soo socota.

6/25/2022 1:41 AM EST
Sabti, Juun, 25, 2022 (HOL) - Xildhibaanadda Golaha Shacabka Baarlamaanka 11-aad ee dowladda Fedaraalka Soomaaliya ayaa Maanta oo Sabti ah fadhigooda waxay ugu codeynayaan Raysal wasaaraha cusub ee dhawaan la magacaabay Xamse Cabdi Barre oo haddii uu codka kalsoonida uu ka helo Baarlamaanka Soomaaliya soo magacaabi doono Xukuumad sidaan oo kale u hortagi doonto Golaha Shacabka.