3/29/2024
Today from Hiiraan Online:  _
Wararka Maanta- Jimco, Jun 24, 2022
Xukuumada Somaliland oo ka jawaabtay go'aankii ay soo saareen shirkadaha korontadu

Jimco, Juun, 24, 2022 (HOL) - Xukuumada Somaliland ayaa wax aan la aqbali karin ku tilmaantay, go'aanka shirkadaha korontadu ku sheegeen in ay korontadu maqnaan doonto habeenkasta saacadaha u dhexeeya 11:00 ilaa 4:00 habeenimo laga bilaabo 1 August.

Guddoomiyaha Koomiishanka Tamarta Somaliland Axmed Faarax Cadare, oo warbaahinta la hadlay, ayaa madax-adayg iyo sharci jabin ku tilmaamay go'aanka ay shirkaduhu gaadheen, isla markaana waxa uu sheegay in aan loo dulqaadan doonin.

"Waxa ayaan daro ah in shirkadihii laydhku iyaga oo magac isticmaalaya aan lagu midaysnayn waliba, ay ka daba hadlaan golihii wasiirada, waxa halkaa ka muuqata madax adayg, waxa halkaa ka muuqata in aan sharciga loo hogaansamayn, taasina qaranka J. Somaliland waxay ku tahay waxan loo dulqaadan doonin" ayuu yidhi Cadare.

Cadare waxa uu sheegay in biyaha iyo laydhku ay yihiin dan guud isla markaana kolba cidii xukuumadu u xilsaarta ay hogaamiso, sidaa darteedna hadii shirkaduhu ay falkaa ku kacaan, ay xukuumadu ruqsado siin doonto muwaadiin kale si ay u buuxiyaan adeega ay baneeyeen  shirkadaha laydhku.

"Sida dastuurku sheegayo laydhka iyo biyaha qaranka ayaa iska leh, hadba cidii nasiib u yeelata in ay hogaamiso ayaa hogaamisa... waxa jira reer Somaliland badan oo u diyaar ah in ay gaabkaa banaanaday buuxiyaan, xukuumada iyo koomiishankuna way kusoo dhawaynayaan" ayuu yidhi Cadare.

Shirkadaha laydhka ayaa ku andacoonaya in shidaalka qaaliyoobay darteed anay awoodin in ay bixiyaan adeeg koronto oo 24 saac ah, isla markaana anay xataa haysan shidaal ku filan.

Abdilahi Geel-maal, Hiiraan Online
[email protected]












Click here
6/24/2022 8:45 AM EST
Jimco, Juun, 24, 2022 (HOL) - Madaxweynaha Soomaaliya Xasan Sheikh Maxamuud ayaa laga helay caabuqa COVID-19, baaritaan uu maray kadib markii uu maanta dalka dib ugusoo laabtay.

6/24/2022 7:31 AM EST
Jimco, Juun, 24, 2022 (HOL) - Maxamed Cali Maxamed oo reer Hargaysa ah, ayaa Ciidanka Booliiska Somaliland ku eedeeyay in ay u gaysteen jidhdil sababay in mid kamid ah xiniinyihiisu ay dhimato, intii uu socday mudaharaadkii 9 Juun.

6/24/2022 7:14 AM EST
Jimco, Juun, 24, 2022 (HOL) - Booliiska dalka Mozambique ayaa xiray 5 qof oo Soomaali ah oo looga shakisan yahay inay ka tirsan yihiin shabakad isku xiran oo falal isugu jira afduub iyo ganacsi ka sameeya maandooriyaha magaalada xeebta ku taal ee Beira ee gobolka Sofala.

6/24/2022 5:08 AM EST
Jimco, Juun, 24, 2022 (HOL) - Ciiddanka PSF-ta Puntland ayaa gacanta kusoo dhigay saddex xubnood oo katirsan kooxda Daacish, kuwaas oo dhalasho ahaan kasoo jeeda Qowmiyadda Oromada ee dalka Ethiopia.

6/24/2022 4:54 AM EST
Jimco, Juun, 24, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, oo waraysi gaar ah siiyay Universal TV, ayaa sheegay in ergo beesha caalamka ka socota oo uu Nairobi kula kulmay, uu uga warbixiyay mawqif mucaaradka, ee ku aadan in aanay aqbalayn doorashada urrurada siyaasada.

6/24/2022 3:11 AM EST
Jimco, Juun, 24, 2022 (HOL) - Wasaaradda amniga maamulka Koonfur galbeed ayaa digniin u dirtay siyaasiyiin ay ku eedeysay inay qalqal amni ka abuurayaan deegaannada Koonfur Galbeed.

6/24/2022 12:53 AM EST
Jimco, Juun, 24, 2022 (HOL) - Telefishinka Channel 4 ee laga leeyahay dalka UK, ayaa la kulmay in ka badan 100 cabasho ah oo ka dhan ah barnaamij weriye Jamaal Cismaan uu dhawaan ka diyaariyay ururka Al-Shabaab.

6/24/2022 12:39 AM EST
Jimco, Juun, 24, 2022 (HOL) - Ergayga madaxweynaha Soomaaliya uqaabilsan arrimaha abaaraha, Cabdiraxmaan Cabdishakuur Warsame, ayaa soo jeediyay in hoos loo dhigo xuska maalmaha xorriyada dalka, isagoo sheegay dalku inuu ku jiro xaalad aan mudnayn dabaal deg.

6/24/2022 12:26 AM EST
Jimco, Juun, 24, 2022 (HOL) - Shidaal yaraan dhacday awgeed korontada, ayaa habeenkasta magaalooyinka Somaliland ka maqnaandoonta saacadaha u dhexeeya 11:00 ilaa 4:00 habeenimo marka la gaadho 1 August.