3/22/2023
Today from Hiiraan Online:  _
Wararka Maanta- Arbaco, Dec 7 , 2022
Madaxweynaha Soomaaliya iyo Madaxweynaha Jabuuti oo Maanta kulan ku yeeshay dalka Jabuuti
 

Arbaco, December, 7, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo oo ku sugan dalka Jabuuti ayaa Maanta kulan kula qaatay Madaxtooyada dalka Jabuuti madaxweynaha dalkaas Ismaaciil Cumar Geelle.

Madaxweynaha Soomaaliya ayaa ugu horeyn dhigiisa dalka Jabuuti la wadaagay guulaha ay ciidamada xoogga dalka Soomaaliyeed iyo dadka shacabka ah ay ka gaareen howlgalada ka dhanka ah kooxda Al-shabaab ee ka socda gobolada dalka.

Madaxweyne Xasan Sheekh Maxamuud ayaa uga mahad celiyay dowladda dalka Jabuuti iyo shacabkeeda sida nafhurnimada iyo garab istaagga walaalnimo, gaar ahaana ciidanka Hiil walaal uga qeyb qaateen howlgalada dib u xureynta ah ee ka socda Soomaaliya.

Ismaaciil Cumar Geelle Madaxweynaha dalka Jabuuti ayaa dhankiisa bogaadiyay guulaha laga gaaray dagaalka lagula jiro Ururka Al-shabaab, isagoona xusay in dowladda Jabuuti ay sii wadi doonto taageerada ay siiso dowladda Soomaaliya.

Madaxweynaha Soomaaliya Xasan Sheekh Maxamuud ayaa dalka Jabuuti gaaray Shalay, isagoo halkaas uga qeyb galay Madasha Aragti wadaagga Soomaaliyeed ee Heritage, taasoo lagu gorfeynaayay caqabadaha ka jira gobolka gaar ahaan Isbeddelka Cimilada iyo abaaraha soo noqnoqday ee aafeeyay gobolka.












Click here
12/7/2022 8:23 AM EST
Arbaco, December, 7, 2022 (HOL) - Ergeyga gaarka ah ee madaxweynaha Soomaaliya u qaabilsan arrimaha bani’aadantinimada iyo gurmadka abaaraha ayaa bogaadiyay taageerada dowladda Imaaraadka ay u fidisay dadka ay saameeyeen abaaraha Soomaaliya.

12/7/2022 6:14 AM EST
Arbaco, December, 7, 2022 (HOL) - Xisbiyada mucaaradka Somaliland oo la kulmay dibu-lumaasiyiin ka socda Norwey iyo Turkiga, oo doonayay in dib loo furo wada-hadaladii Somaliland iyo Soomaaliya, ayaa u sheegay in anay wakhtihan haboonayn in wada-hadalada dib loo furo.

12/7/2022 5:22 AM EST
Arbaco, December, 7, 2022 (HOL) - Maxkamadda ciidamada qalabka sida ee Soomaaliya ayaa xabsi daa’in ku xukuntay Ismaaciil Xasan Salaad Nuur, oo ahaa darawal mooto Bajaaj oo katirsan Alshabaab una qaabilsanaa gurmadka iyo kala gudbinta hubka iyo qaraxyada.

12/7/2022 3:30 AM EST
Arbaco, December, 7, 2022 (HOL) - Ciidamada dowladda Soomaaliya oo garabsanaya kuwa dadka deegaanka ayaa Maanta la wareegay gacan ku heynta deegaanka Buurweyn oo ka mid ah deegaanada hoostaga degmada Buulaburte ee gobolka Hiiraan.

12/7/2022 12:47 AM EST
Arbaco, December, 7, 2022 (HOL) - Madaxweyne Xasan Sheikh Maxamuud ayaa sheegay, dowladda Soomaaliya in aysan marnaba ku talo galin inay hubayso qabaa’ilada Soomaaliyeed, hase ahaatee wuxuu sheegay dowladdu inay qabaailada ku taageertay inay deegaanadooda ka xoraystaan kooxda Alshabaab.

12/7/2022 12:42 AM EST
Arbaco, December, 7, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in madaxweyne Biixi aanu haysan sharciyad uu ku matalo shacabka Somaliland oo uu kula hadlo Soomaaliya.