3/22/2023
Today from Hiiraan Online:  _
Wararka Maanta- Sabti, Dec 3 , 2022
Faysal Cali Waraabe oo waali ku tilmaamay furista ururada siyaasada Somaliland
 

Sabti, December, 3, 2022 (HOL) - Guddoomiyaha Xisbiga UCID Faysal Cali Waraabe, ayaa waali ku tilmaamay talaabada ay xukuumadu ku doonayso in lagu galo doorashada ururada.

Faysal ayaa sheegay in talaabadani ayna khatar ku ahayn xisbiyada mucaaradka ah, lakiin ay khatar ku tahay jiritaanka Somaliland, isagoo madaxweynaha ku eedeeyay in uu Somaliland burburinayo.

“Aragtida waalida ah ee ah in si toos ah loo soo doorto ururo siyaasadeed oo aan hore loo arag, maaha mid khatar ku ah xisbiyada qaranka ee mucaaridka ah balse waxay khatar ku tahay jiritaanka Somaliland, Muuse wuxuu ku socdaa wadadii burburka Somaliland” ayuu yidhi Guddoomiye Waraabe.

Xisbiyada mucaaradka Somaliland ayaa aad uga soo horjeeda in lasoo hormariyo doorashada ururada siyaasada, taasi oo sababtay in xisbiyadu ay kalsoonida kala noqdaan xukuumada Somaliland.

Dhinaca kale, xukuumada ayaa ku adkaysanaysa in doorashada ururadu ay soo horayso, isla markaana doorashadii madaxtooyada ayaa dib loo dhigay.

Abdilahi Geel-maal, Hiiraan Online
[email protected]












Click here
12/3/2022 10:47 AM EST
Sabti, December, 3, 2022 (HOL) - Ciidamada xoogga dalka Soomaaliya oo kaashanaya ciidanka dadka deegaanka ayaa Maanta Al-shabaab kala wareegay deegaano badan oo ka kala tirsan gobolada Hiiraan iyo Shabeellaha Dhexe.

12/3/2022 10:19 AM EST
Sabti, December, 3, 2022 (HOL) - Raysal wasaaraha Xukuumadda fedaraalka Soomaaliya Xamse Cabdi Barre oo Maanta ka qeyb galay munaasabad lagu xusaayey Maalinta Caalamiga ah ee dadka qaba baahiyaha gaarka ah oo ay soo agaasintay Wasaaradda Haweenka iyo Xuquuqul Insaanka Soomaaliya ayaa khudbad dhinacyo badan taabaneysay oo muhiim ah ka jeediyay munaasabadda.

12/3/2022 6:54 AM EST
Sabti, December, 3, 2022 (HOL) - Qaar kamid ah xildhibaannada barlamaanka Soomaaliya ayaa nasiib darro ku tilamamay in lagu xad gudbay xasaanaddooda, iyagoo sheegay inay hay’adaha amnigu ula dhaqmeen si xad gudub ah.

12/3/2022 2:55 AM EST
Sabti, December, 3, 2022 (HOL) - Guddoomiyaha maamulka gobolka Hiiraan Cali Jeyte Cismaan ayaa go'aan culus kasoo saaray dhigashada isbaarooyinka lagu dhibaateeyo dadka shacabka ee masaafurka ah.

12/3/2022 2:22 AM EST
Sabti, December, 3, 2022 (HOL) - Wasiirka arrimaha Horumarinta dalka UK, Andrew Mitchell, ayaa ku dhawaaqay taageero cusub oo ay UK siinayso Soomaaliya kadib booqashadiisii ugu horreysay ee uu ku yimid Soomaaliya tan iyo markii loo magacaabay.

12/3/2022 1:31 AM EST
Sabti, December, 3, 2022 (HOL) - Wareega group-yada ee koobka adduunka ee ka socda dalka Qatar ayaa lasoo gabagabeeyay waxaana hadda loo soo gudbay wareegga bug-baxa oo ay 16 kooxood isugusoo hareen.