8/14/2022
Today from Hiiraan Online:  _
Wararka Maanta- Axad, Jun 26, 2022
Wasiir Bayle oo garyaqaanka guud ee dowladda u wakiishay inuu ka difaaco dacwadda xafiiska xeer ilaaliyaha
 

Axad, Juun, 26, 2022 (HOL) - Wasiirka maaliyadda Soomaaliya, Cabdiraxmaan Ducaale Bayle, ayaa sheegay inuu diyaar u yahay inuu iska difaaco su’aalo la xiriira arrimaha maaliyadda oo uga yimid xafiiska xeer ilaalinta.

Wasiir Bayle, ayaa qoraal uu soo saaray wuxuu ku sheegay, inuu garyaqaanka guud ee dowladda u wakiishay inuu difaaco, oo uu la wadaagayo jawaabaha uu u baahdo xeer ilaaliyaha guud.

Geesta kale, Wasiir Bayle ayaa duray warqadda xeer ilaaliyaha kasoo baxday, isagoo u jeediyay in ilaaliyo xeerarka loo dejiyay in lagu maamulo arrimaha dowladda ee ku aadan, xubnaha dowladda ee maxkamaddaha looga yeero.

Wasiirka maaliyadda waxaa berrito u qorshaysan inuu hortago barlamaanka Soomaaliya oo dhowaan uu horgeeyay inay meel mariyaan miisaaniyadda dalka ee 2022.

Maalinta berrito ayay ku aadan tahay waqtigii xafiiska xeer ilaalinta u qabtay in wasiirka maaliyadda ku yimaado xafiiskooda, si wax looga weydiiyo baaris ku saabsan maaliyadda dalka.


Abdiweli M. Sheikh, Hiiraan Online
[email protected]












Click here
6/26/2022 2:32 PM EST
Axad, Juun, 26, 2022 (HOL) - Ergayga madaxweynaha Soomaaliya u qaabilsan abaaraha, Cabdiraxmaan Cabdishakuur ayaa ku eedeeyay guddoonka labada aqal ee barlamaanka, inay hor taagan yihiin in qeyb kamid ah lacagtii laga aruriyay musharraxiinta madaxweynaha, laga bixiyo gurmadka abaaraha.

6/26/2022 8:21 AM EST
Axad, Juun, 26, 2022 (HOL) - Ganacsatada qaadka ee Somaliland , ayaa go'aan ku gaadhay in ay si buuxda u joojiyaan qaadkii ay Itoobiya ka soo iibsan jireen, kadib markii ay Oromadu qaaliyaysay.

6/26/2022 6:23 AM EST
Axad, Juun, 26, 2022 (HOL) - Raysal wasaare Xamse Cabdi Barre, ayaa sheegay inay dowladda Soomaaliya ka shaqeynayso tabo iyo siyaasado iskusoo dhoweynaya Soomaaliya iyo Somaliland.

6/26/2022 2:03 AM EST
Axad, Juun, 26, 2022 (HOL) - Madaxweynaha Somaliland Muuse Biixi Cabdi, ayaa dowlada Soomaaliya ugu baaqay in ay Somaliland ka garbaxdo, oo anay kaliya afmacaan kula hadal.

6/26/2022 1:53 AM EST
Axad, Juun, 26, 2022 (HOL) - Maamulka Puntland ayaa magaalada Bosaso kusoo dhoweeyay 17 muwaadiniin Soomaaliyeed ah, kuwaas oo muddo 12 sano ah dambiyo burcad baddeednimo ugu xirnaa dalka Cumaan.

6/26/2022 1:33 AM EST
Axad, Juun, 26, 2022 (HOL) - Raysal wasaaraha Soomaaliya, Xamse Cabdi Barre oo shalay xasaanad ka helay barlamaanka Soomaaliya, ayaa markii ugu horeysay ka hadlay suurtagalnimada in khilaaf dhexmari karo isaga iyo madaxweynaha, si lamid ah madaxdii dowladdihii ka horeeyay.

6/26/2022 1:26 AM EST
Axad, Juun, 26, 2022 (HOL) - Madaxweynaha Somaliland Muuse Biixi Cabdi, ayaa sheegay in uu diyaar u yahay, in uu la hadlo oo uu dhagaysto mucaaradka.