2/4/2023
Today from Hiiraan Online:  _
Wararka Maanta- Khamiis, Dec 8 , 2022
Golaha Wasiiradda Soomaaliya oo Maanta ansixiyay laba Hindise Sharciyeed oo muhiim ah

Khamiis, December, 8, 2022 (HOL) - Golaha Wasiiradda Xukuumadda Fedaraalka Soomaaliya ayaa Maanta kulankooda todobaadlaha ah oo uu shir guddoominaayay Raysal wasaaraha Soomaaliya Xamse Cabdi Barre waxaa lagu ansixiyay laba hindise sharciyeed oo muhiim ah.

Golaha ayaa kulankooda Maanta waxay ku meel mariyeen hindise sharciyeedka cunaqabeynta Maaliyadeed ee cayiman iyo waliba sharciga nidaamka Maaliyadeed ee Kheyraadka dhulka hoostiisa.

Afhayeenka Xukuumadda Fedaraalka Soomaaliya Farxaan Maxamed Jimcaale ayaa sheegay in sharciyadaan ay ahmiyad gaar ah u kala leyihiin dagaalka lagula jiro Al-shabaab iyo maamulka nidaamka maaliyadeed ee qodista khayraadka dhulka hoostiisa.

Labadaan hindise sharciyeed ee Maanta ansixiyeen Golaha Wasiiradda Soomaaliya waxaa soo gudbisay Wasaaradda maaliyada Soomaaliya, waxaana la filayaa in loo sii gudbin doono Xildhibaanadda Baarlamaanka Fedaraalka Soomaaliya.

15-kii bishii lasoo dhaafay ayaa madaxweynaha dowladda Federaalka Soomaaliya Xasan Sheekh Maxamuud oo khudbad ka jeedinaayay furitaanka Kalfadhiga labaad ee labada Aqalka ee Baarlamaanka Soomaaliya, waxa uu mudanayaasha labada Aqal ka codsaday in ay meel mariyeen shurcuuda ay Xukuumadda Fedaraalka u soo gudbin doonta Baarlamaanka Soomaaliya.












Click here
12/8/2022 2:14 PM EST
Khamiis, December, 8, 2022 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta magaalada Garowe kusoo dhoweeyay madaxweynaha Koonfur Galbeed, Cabdicasiis Xasan Maxamed (Lafta gareen).

12/8/2022 5:36 AM EST
Khamiis, December, 8, 2022 (HOL) - Hay'adda lacagta adduunka ee IMF ayaa warbixin cusub oo ay maanta soo saartay waxay ku sheegtay in dowladda Soomaaliya ay buuxisay dhammaan sharuudihii looga baahnaa, si looga cafiyo deymaha badan ee lagu leeyahay dalka.

12/8/2022 5:11 AM EST
Khamiis, December, 8, 2022 (HOL) - Kooxo hubeysan oo dhalinyaro ah ayaa toogasho ku dilay isku duwahii Wasaarada Caafimaadka degmada Buurhakaba ee maamulka Koonfur Galbeed Soomaaliya, xili uu ku sugnaa Isbitaal kuyaala degmada Buurhakaba ee gobolka Baay.

12/8/2022 1:42 AM EST
Khamiis, December, 8, 2022 (HOL) - Saraakiisha hoggaaminaysa howglgalkii Al Shabaab looga xoreeyay degmada Aadan Yabaal ayaa sheegay inay heleen Xabaalo wadareedyo ah lagu aasay maydadkii Shabaab ee lagu dilay weeradii ka dhacay gobolka Shabeellada dhexe.

12/8/2022 1:19 AM EST
Khamiis, December, 8, 2022 (HOL) - Warar dheeraad ah ayaa kaasoo baxaya dagaal xoogan oo saakay aroornimadii hore ku dhexmaray deegaanka Beerxaano ciidamada deegaanka ee loo yaqaano Macawiisleey iyo kuwa Ururka Al-shabaab.

12/8/2022 1:10 AM EST
Khamiis, December, 8, 2022 (HOL) - Isku duwaha gargaarka bini'aadantinimo ee Qaramada Midoobay ee Soomaaliya ayaa ka digay wuxuu ugu yeeray xaalad degdeg ah oo masiibo ah oo ka jirta Soomaaliya oo ay sabab u tahay abaaraha soo noqnoqday.