2/4/2023
Today from Hiiraan Online:  _
Wararka Maanta- Khamiis, Dec 8 , 2022
Hay'adda IMF oo sheegtay inay Soomaaliya buuxisay sharuudihii barnaamijka deyn cafinta dalka
 

Khamiis, December, 8, 2022 (HOL) - Hay'adda lacagta adduunka ee IMF ayaa warbixin cusub oo ay maanta soo saartay waxay ku sheegtay in dowladda Soomaaliya ay buuxisay dhammaan sharuudihii looga baahnaa, si looga cafiyo deymaha badan ee lagu leeyahay dalka.

Hay’addu waxay warbixinteeda ku sheegtay in dowladda Soomaaliya ay horumar weyn ka sameysay hannaanka dib-u-habeynta dhaqaalaha dalka, taasoo horseed u ah in la gaaro go’aannada kama dambeysta ah ee deyn Cafinta.

Guddiga sare ee IMF, ayaa si kor loogu qaado horumarka socda, waxay soo jeediyeen in dadaal dheeri ah lagu bixiyo siyaasadda canshuuraha iyo dib u habeynta kastamka iyo sharciga cusub ee canshuurta dakhliga.

Guddiga sare ee IMF waxay sheegeen horumarka dowladdu ka sameysay geeddi socodka deyn cafinta inuu u gogol xaarayo in sannadka 2023 la gaaro dhameystirka deyn cafinta Soomaaliya.

"Wadatashigii waafaqsana Qodobka 4-aad ee u dhaxeeyay Hey'adda IMF iyo dib-u-eegistii afaraad ee Mashruuca Deyn Cafinta Soomaaliya/ ECF waxa ay muujineysaa isbeddel xoogan ee dhanka dhaqaalaha ah iyadoo ay waddanka saameeyaan xaaladaha ka dhashay isbeddelada cimilada iyo dhaqaala xummada adduunka soo wajahday" ayaa lagu yiri warbixinta ka soo baxday IMF.

Wasiirka maaliyadda Soomaaliya Dr. Cilmi Maxamuud Nuur ayaa soo dhaweeyay warbixinta kasoo baxday hay’adda IMF, taasoo lagu bogaadiyay dib u habeynta dhaqaalaha Soomaaliya.

Maalmo ka hor madaxweynaha Soomaaliya Xasan Sheikh Maxamuud ayaa sheegay inay dowladda Soomaaliya qaadan doonto malaayiin dollar oo deyn ah, marka daynta laga cafiyo, si buu yiri loogu adeegsado hirgalinta warshado wax soo saar  oo dalka dhaqaalihiisa kor usoo qaada.












Click here
12/8/2022 2:14 PM EST
Khamiis, December, 8, 2022 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta magaalada Garowe kusoo dhoweeyay madaxweynaha Koonfur Galbeed, Cabdicasiis Xasan Maxamed (Lafta gareen).

12/8/2022 9:39 AM EST
Khamiis, December, 8, 2022 (HOL) - Golaha Wasiiradda Xukuumadda Fedaraalka Soomaaliya ayaa Maanta kulankooda todobaadlaha ah oo uu shir guddoominaayay Raysal wasaaraha Soomaaliya Xamse Cabdi Barre waxaa lagu ansixiyay laba hindise sharciyeed oo muhiim ah.

12/8/2022 5:11 AM EST
Khamiis, December, 8, 2022 (HOL) - Kooxo hubeysan oo dhalinyaro ah ayaa toogasho ku dilay isku duwahii Wasaarada Caafimaadka degmada Buurhakaba ee maamulka Koonfur Galbeed Soomaaliya, xili uu ku sugnaa Isbitaal kuyaala degmada Buurhakaba ee gobolka Baay.

12/8/2022 1:42 AM EST
Khamiis, December, 8, 2022 (HOL) - Saraakiisha hoggaaminaysa howglgalkii Al Shabaab looga xoreeyay degmada Aadan Yabaal ayaa sheegay inay heleen Xabaalo wadareedyo ah lagu aasay maydadkii Shabaab ee lagu dilay weeradii ka dhacay gobolka Shabeellada dhexe.

12/8/2022 1:19 AM EST
Khamiis, December, 8, 2022 (HOL) - Warar dheeraad ah ayaa kaasoo baxaya dagaal xoogan oo saakay aroornimadii hore ku dhexmaray deegaanka Beerxaano ciidamada deegaanka ee loo yaqaano Macawiisleey iyo kuwa Ururka Al-shabaab.

12/8/2022 1:10 AM EST
Khamiis, December, 8, 2022 (HOL) - Isku duwaha gargaarka bini'aadantinimo ee Qaramada Midoobay ee Soomaaliya ayaa ka digay wuxuu ugu yeeray xaalad degdeg ah oo masiibo ah oo ka jirta Soomaaliya oo ay sabab u tahay abaaraha soo noqnoqday.