2/4/2023
Today from Hiiraan Online:  _
Wararka Maanta- Khamiis, Dec 8 , 2022
Faahfaahino kasoo baxaya dagaal culus oo ka dhacay deegaanka Beerxaano ee gobolka Hiiraan
 

Khamiis, December, 8, 2022 (HOL) - Warar dheeraad ah ayaa kaasoo baxaya dagaal xoogan oo saakay aroornimadii hore ku dhexmaray deegaanka Beerxaano ciidamada deegaanka ee loo yaqaano Macawiisleey iyo kuwa Ururka Al-shabaab.

Dagaalka ayaa yimid kadib markii dagaalamayaal ka tirsan Shabaab ay weerar gaadmo ah ku qaadeen fariisimaha ciidanka deegaanka ay ku leeyihiin deegaanka Beerxaano oo qiyaas ahaan Baledweyne kaga beegan dhanka Koonfureed ilaa 26 KM.

Dagaalka oo socday mudo ku dhaw hal saac ayaa la sheegay inuu ahaa mid la isku adeegsaday hubka noocyadiisa kala duwan, hayeeshee lama oga khasaaraha rasmiga ah ee ka dhashay dagaalka.

Ciidamada Al-shabaab ee weerarka ku qaaday saakay deegaanka Beerxaano ayaa dhanka Galbeed kaga soo gudbay wabiga Shabeelle doomo, waxaana dadka ku nool deegaanka Dhoqor ay inoo sheegeen in dib ugu gudbeen doomahii ay markii hore kaga soo gudbeen deegaankaasi.

Sarkaal ka tirsan ciidanka deegaanka oo la hadlay Shabakada HOL ayaa inoo sheegay in weerarka saakay kaga yimid Al-shabaab ay iska difaaceen ayna gaarsiyeen jab xoogaan, islamarkaana ay ciidanka haatan kusii daba jiraan halka ay doomaha kaga soo gudbeen.

Al-shabaab ayaa tan iyo markii laga saaray deegaanada dhaca Bariga Hiiraan, waxaa ay weerarada qorsheysan kasoo qaadaan dhanka Galbeedka Hiiraan oo ay wali ku leeyihiin fariisimo xoogan, iyoogana kusoo gudba doomo xiliyada ay soo weerarayaan deegaanada Bariga gobolka, maadama wabiga Shabeelle uu kala qeybiyo Bariga iyo Galbeedka Hiiraan.












Click here
12/8/2022 2:14 PM EST
Khamiis, December, 8, 2022 (HOL) - Madaxweynaha dowlad goboleedka Puntland Siciid Cabdullaahi Deni ayaa maanta magaalada Garowe kusoo dhoweeyay madaxweynaha Koonfur Galbeed, Cabdicasiis Xasan Maxamed (Lafta gareen).

12/8/2022 9:39 AM EST
Khamiis, December, 8, 2022 (HOL) - Golaha Wasiiradda Xukuumadda Fedaraalka Soomaaliya ayaa Maanta kulankooda todobaadlaha ah oo uu shir guddoominaayay Raysal wasaaraha Soomaaliya Xamse Cabdi Barre waxaa lagu ansixiyay laba hindise sharciyeed oo muhiim ah.

12/8/2022 5:36 AM EST
Khamiis, December, 8, 2022 (HOL) - Hay'adda lacagta adduunka ee IMF ayaa warbixin cusub oo ay maanta soo saartay waxay ku sheegtay in dowladda Soomaaliya ay buuxisay dhammaan sharuudihii looga baahnaa, si looga cafiyo deymaha badan ee lagu leeyahay dalka.

12/8/2022 5:11 AM EST
Khamiis, December, 8, 2022 (HOL) - Kooxo hubeysan oo dhalinyaro ah ayaa toogasho ku dilay isku duwahii Wasaarada Caafimaadka degmada Buurhakaba ee maamulka Koonfur Galbeed Soomaaliya, xili uu ku sugnaa Isbitaal kuyaala degmada Buurhakaba ee gobolka Baay.

12/8/2022 1:42 AM EST
Khamiis, December, 8, 2022 (HOL) - Saraakiisha hoggaaminaysa howglgalkii Al Shabaab looga xoreeyay degmada Aadan Yabaal ayaa sheegay inay heleen Xabaalo wadareedyo ah lagu aasay maydadkii Shabaab ee lagu dilay weeradii ka dhacay gobolka Shabeellada dhexe.

12/8/2022 1:10 AM EST
Khamiis, December, 8, 2022 (HOL) - Isku duwaha gargaarka bini'aadantinimo ee Qaramada Midoobay ee Soomaaliya ayaa ka digay wuxuu ugu yeeray xaalad degdeg ah oo masiibo ah oo ka jirta Soomaaliya oo ay sabab u tahay abaaraha soo noqnoqday.