2/4/2023
Today from Hiiraan Online:  _
Wararka Maanta- Arbaco, Dec 7 , 2022
Cabdiraxmaan Cabdishakuur: Imaaraadku waa hormuudka taageerada lagama maarmaanka u ah Soomaaliya
 

Arbaco, December, 7, 2022 (HOL) - Ergeyga gaarka ah ee madaxweynaha Soomaaliya u qaabilsan arrimaha bani’aadantinimada iyo gurmadka abaaraha ayaa bogaadiyay taageerada dowladda Imaaraadka ay u fidisay dadka ay saameeyeen abaaraha Soomaaliya.

Wuxuu bogaadiyay sahayda joogtada ah ee Imaaraadku siiyo dowlad goboleedyada kala duwan ee Soomaaliya, oo ay ku jiraan kuwa ay abaaruhu saameeyeen, tan iyo markii ay bilowdeen dhibaatooyinka abaaruhu sababeen.

Cabdiraxmaan Cabishakuur oo la hadlay wakaaladda wararka ee Imaaraatka Carabta wuxuu yiri “Imaaraadku waa hormuudka taageerada lagama maarmaanka u ah Soomaaliya ee dhibaatada jirta, maadaama uu ahaa dalkii ugu horreeyay ee ka jawaaba baaqii ay bilowday dowladda Soomaaliya ee ahaa in gurmad deg deg ah lala soo gaaro. dadka abaaruhu saameeyeen.”

Waxa uu xusay in Imaaraadka ay sameeyeen buundada hawada ee lagu daabulo agabka, islamarkaana ay soo direen markab siday in ka badan 1,000 tan oo cunto iyo gargaar ah si uu u daboolo baahida ku dhawaad 2.5 milyan oo qof.

Ergayga abaaraha ayaa hadalkaan ka sheegay shirkii ka dhacay xarunta Jaamacadda Carabta, kaasoo ay si wadajir ah u soo qaban qaabiyeen Jaamacadda Carabta iyo Qaramada Midoobay.












Click here
12/7/2022 9:26 AM EST
Arbaco, December, 7, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo oo ku sugan dalka Jabuuti ayaa Maanta kulan kula qaatay Madaxtooyada dalka Jabuuti madaxweynaha dalkaas Ismaaciil Cumar Geelle.

12/7/2022 6:14 AM EST
Arbaco, December, 7, 2022 (HOL) - Xisbiyada mucaaradka Somaliland oo la kulmay dibu-lumaasiyiin ka socda Norwey iyo Turkiga, oo doonayay in dib loo furo wada-hadaladii Somaliland iyo Soomaaliya, ayaa u sheegay in anay wakhtihan haboonayn in wada-hadalada dib loo furo.

12/7/2022 5:22 AM EST
Arbaco, December, 7, 2022 (HOL) - Maxkamadda ciidamada qalabka sida ee Soomaaliya ayaa xabsi daa’in ku xukuntay Ismaaciil Xasan Salaad Nuur, oo ahaa darawal mooto Bajaaj oo katirsan Alshabaab una qaabilsanaa gurmadka iyo kala gudbinta hubka iyo qaraxyada.

12/7/2022 3:30 AM EST
Arbaco, December, 7, 2022 (HOL) - Ciidamada dowladda Soomaaliya oo garabsanaya kuwa dadka deegaanka ayaa Maanta la wareegay gacan ku heynta deegaanka Buurweyn oo ka mid ah deegaanada hoostaga degmada Buulaburte ee gobolka Hiiraan.

12/7/2022 12:47 AM EST
Arbaco, December, 7, 2022 (HOL) - Madaxweyne Xasan Sheikh Maxamuud ayaa sheegay, dowladda Soomaaliya in aysan marnaba ku talo galin inay hubayso qabaa’ilada Soomaaliyeed, hase ahaatee wuxuu sheegay dowladdu inay qabaailada ku taageertay inay deegaanadooda ka xoraystaan kooxda Alshabaab.

12/7/2022 12:42 AM EST
Arbaco, December, 7, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in madaxweyne Biixi aanu haysan sharciyad uu ku matalo shacabka Somaliland oo uu kula hadlo Soomaaliya.