2/4/2023
Today from Hiiraan Online:  _
Wararka Maanta- Arbaco, Dec 7 , 2022
Ciidamada dowladda iyo kuwa dadka deegaanka oo goordhaw la wareegay deegaanka Buurweyn ee gobolka Hiiraan

Arbaco, December, 7, 2022 (HOL) - Ciidamada dowladda Soomaaliya oo garabsanaya kuwa dadka deegaanka ayaa Maanta la wareegay gacan ku heynta deegaanka Buurweyn oo ka mid ah deegaanada hoostaga degmada Buulaburte ee gobolka Hiiraan.

Dagaal kooban ayaa ku dhexmaray deegaanka Buurweyn ciidamada dowladda iyo kuwa dadka deegaanka oo dhinac ah iyo kuwa kooxda Al-shabaab oo deegaankaasi ka talinaayay dhowr iyo tobankii sano ee lasoo dhaafay.

Lama oga khasaaraha rasmiga ah ee ka dhashay dagaalka kooban ee deegaankaasi ku dhexmaray ciidamada iskaashanaya iyo kuwa Ururka Al-shabaab, hayeeshee wararkii ugu dambeeyay waxay sheegayaan in xaafadaha deegaanka Buurweyn lagu arkayo ciidamada Macawiisleyda oo wata hubka noocyadiisa kala duwan, iyaga oo halkaasi ka wada baaritaano ay ku xaqiijinayaan amniga deegaankaasi.

Shalay ayay aheyd markii ciidanka dadka deegaanka ee loo yaqaano Macawiisleey iyo kuwa dowladda Soomaaliya oo ka baxay degmada Jalalaqsi ee gobolka Hiiraan oo uu hoggaaminaayay guddoomiyaha degmada Jalalaqsi ay si nabadgalyo ah ku gaareen degmada Mahadaay ee gobolka Shabeellaha Dhexe, iyadoo maalin ka horna sidoo kale Al-shabaab lagala wareegay degmada Aadan Yabaal oo aheyd taliskii ugu weyna Shabaab ee Shabeellaha Dhexe.












Click here
12/7/2022 9:26 AM EST
Arbaco, December, 7, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo oo ku sugan dalka Jabuuti ayaa Maanta kulan kula qaatay Madaxtooyada dalka Jabuuti madaxweynaha dalkaas Ismaaciil Cumar Geelle.

12/7/2022 8:23 AM EST
Arbaco, December, 7, 2022 (HOL) - Ergeyga gaarka ah ee madaxweynaha Soomaaliya u qaabilsan arrimaha bani’aadantinimada iyo gurmadka abaaraha ayaa bogaadiyay taageerada dowladda Imaaraadka ay u fidisay dadka ay saameeyeen abaaraha Soomaaliya.

12/7/2022 6:14 AM EST
Arbaco, December, 7, 2022 (HOL) - Xisbiyada mucaaradka Somaliland oo la kulmay dibu-lumaasiyiin ka socda Norwey iyo Turkiga, oo doonayay in dib loo furo wada-hadaladii Somaliland iyo Soomaaliya, ayaa u sheegay in anay wakhtihan haboonayn in wada-hadalada dib loo furo.

12/7/2022 5:22 AM EST
Arbaco, December, 7, 2022 (HOL) - Maxkamadda ciidamada qalabka sida ee Soomaaliya ayaa xabsi daa’in ku xukuntay Ismaaciil Xasan Salaad Nuur, oo ahaa darawal mooto Bajaaj oo katirsan Alshabaab una qaabilsanaa gurmadka iyo kala gudbinta hubka iyo qaraxyada.

12/7/2022 12:47 AM EST
Arbaco, December, 7, 2022 (HOL) - Madaxweyne Xasan Sheikh Maxamuud ayaa sheegay, dowladda Soomaaliya in aysan marnaba ku talo galin inay hubayso qabaa’ilada Soomaaliyeed, hase ahaatee wuxuu sheegay dowladdu inay qabaailada ku taageertay inay deegaanadooda ka xoraystaan kooxda Alshabaab.

12/7/2022 12:42 AM EST
Arbaco, December, 7, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sheegay in madaxweyne Biixi aanu haysan sharciyad uu ku matalo shacabka Somaliland oo uu kula hadlo Soomaaliya.