2/4/2023
Today from Hiiraan Online:  _
Wararka Maanta- Talaado, Dec 6 , 2022
Jaamacadda Carabta iyo Qaramada Midoobay oo iska kaashanaya wax ka qabashada Abaaraha Soomaaliya
 

Talaado, December, 6, 2022 (HOL) - Shir wadajir ah oo dhexmaray ururka Jaamacada Carabta iyo Qaramada Midoobay ayaa looga hadlay sidii wax looga qaban lahaa xaaladda abaaraha ka jira Soomaaliya.

Shirkan ayaa inta badan ujeedadiisu ahayd sidii la iskaga kaashan lahaa dadaallada ay ururadu ugu jiraan ka hortagga khatarta abaaraha iyo macluusha ka jirta gobollo badan oo Soomaaliya ah.

Kaaliyaha Xoghayaha Guud ee Qaramada Midoobay Danjire Hossam Zaki oo ka hadlayay ujeeddooyinka shirka ayaa sheegay in Jaamacadda Carabta ay garwaaqsatay xaaladda adag ay keentay abaarta inay ku baaqdo shir loo dhan yahay oo ay ka soo qeyb galayaan dhammaan qeybaha kala duwan ee Soomaaliya.

Zaki ayaa intaa ku daray in shirka soo socda uusan ujeedkiisu ahayn in la helo ballan qaadyo gaar ahaan maadaama baahida Soomaaliya ay tahay mid aad u ballaaran, balse ay tahay in la isku dubbarido dadaallada ka dhexeeya Jaamacadda Carabta iyo Qaramada Midoobay si loo gaaro danaha Soomaaliya.












Click here
12/6/2022 3:27 PM EST
Talaado, December, 6, 2022 (HOL) - Madaxweynaha Somaliland Muuse Biixi Cabdi, ayaa wada-hadal u furma xukuumada Soomaaliya ku xidhay 7 shuruudood oo ay ugu horayso in loo wada-hadlo sidii labada dowladood, iyo in la helo xal ku dhamaada laba dowladood oo kala madaxbannaan.

12/6/2022 9:41 AM EST
Talaado, December, 6, 2022 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre ayaa Maanta xafiiskiisa magaalada Muqdisho kulan kula qaatay Wakiilka gaarka ah ee guddiga Midowga Afrika ahna madaxa howlgalka ATMIS Souef Mohamed El-Amine.

12/6/2022 5:05 AM EST
Talaado, December, 6, 2022 (HOL) - Madaxweynaha Soomaaliya Xasan Sheikh Maxamuud ayaa ciidamada xoogga dalka, kuwa Hirshabeelle iyo kuwa deegaanka uga mahad celiyay inay Shabaab ka xoreeyeen degmada Aadan Yabaal ee gobolka Shabeellada dhexe.

12/6/2022 2:04 AM EST
Talaado, December, 6, 2022 (HOL) - Madaxweynaha Soomaaliya Xasan Sheikh Maxamuud oo la kulmay Danjiraha Turkiga ee Soomaaliya Mehmet Yılmaz, Siihayaha Xilka Danjiraha Norway ee Soomaaliya, Haakon Svane, ayaa la wadaagay sida ay dowladdiisa uga go’an tahay dib u soo celinta wadahadallada Dowladda Federaalka Soomaaliya iyo Soomaaliland.

12/6/2022 1:53 AM EST
Talaado, December, 6, 2022 (HOL) - Guddida la dagaallanka musuqa ee degaanka Soomaalida ayaa maanta yeeshay kulankoodii u horreeyay, iyagoo soo saaray awaamiro cusub oo la dul dhigay dhammaan xafiisyada iyo laamaha kala duwan ee dowlad degaanka Soomaalida.

12/6/2022 1:27 AM EST
Talaado, December, 6, 2022 (HOL) - Dagaalamayaal ka tirsan kooxda Shabaab ayaa weerar jidgal ah oo khasaare geystay ku qaaday kolonyo ka tirsan ciidanka dalka Kenya oo maraayay duuleedka magaalada Gaarisa ee gobolka Waqooyi Bari dalka Kenya.

12/6/2022 1:03 AM EST
Talaado, December, 6, 2022 (HOL) - Guddoomiyaha xisbiga mucaaradka Somaliland ee UCID, ayaa sheegay in ururada siyaasada ee cusubi ay Somaliland burburinayaan.