2/4/2023
Today from Hiiraan Online:  _
Wararka Maanta- Talaado, Dec 6 , 2022
Faahfaahino kasoo baxaya weerar khasaare geystay oo ka dhacay duuleedka magaalada Gaarisa

Talaado, December, 6, 2022 (HOL) - Dagaalamayaal ka tirsan kooxda Shabaab ayaa weerar jidgal ah oo khasaare geystay ku qaaday kolonyo ka tirsan ciidanka dalka Kenya oo maraayay duuleedka magaalada Gaarisa ee gobolka Waqooyi Bari dalka Kenya.

Weerarka dhabagal ka ah ee ciidamada Al-shabaab la beegaadeen kolonyada gaadiidka ay ku socdaalayeen ciidanka dowladda Kenya ayaa ka dhacay inta u dhaxeeysa deegaanada Weelmareer iyo Yunbis, waxaana la sheegay in halkaasi uu ka dhacay dagaal kooban oo dhexmaray ciidamada Kenya iyo dagaalyahanada ka tirsan Ururka Al-Shabaab.

Dad deegaanka oo qaarkood warbaahinta la hadlay waxay sheegeen in mid ka mid ah gaadiidka dagaalka ee ciidamada Kenya lagu dhuftay qorayga loo yaqaano Sabanka, kaasoo dhinac ka gubtay, hayeeshee aysan xaqiijin karin khasaaraha raamiga ah ee gaaray askartii saarneyd gaariga Sabanka lagu dhuftay.

Al-shabaab oo sheegatay masuuliyada weerarka jigdalka ah ayaa sidoo kale waxay sheegeen in khasaare xoogan ay weerarka ku gaarsiiyeen ciidanka Kenya ee ku socdaalayay inta u dhaxeyaa deegaanada Weelmareer iyo Yunbis.

Dhinaca kale Saraakiil ka tirsan ciidamada dalka Kenya ayaa sheegeen iney fashiliyeen weerarkii kaga yimid Ururka Al-Shabaab, islamarkaana haatan ay wadaan howlgalo ay ku baadi goobayaan raggii weerarka kusoo qaaday.

Dagaalamayaasha kooxda Al-shabaab ayaa inta badan gudaha dalka Kenya, gaar ahaan gobolka waqooyi Bari ka geysta weeraro gaadmo ah, mid toos ah iyo qaraxyo ay la beegsadaan ciidamada dalka Kenya oo haatan ka mid ah howlgalka Midowga Afrika ee ATMIS.












Click here
12/6/2022 3:27 PM EST
Talaado, December, 6, 2022 (HOL) - Madaxweynaha Somaliland Muuse Biixi Cabdi, ayaa wada-hadal u furma xukuumada Soomaaliya ku xidhay 7 shuruudood oo ay ugu horayso in loo wada-hadlo sidii labada dowladood, iyo in la helo xal ku dhamaada laba dowladood oo kala madaxbannaan.

12/6/2022 9:41 AM EST
Talaado, December, 6, 2022 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre ayaa Maanta xafiiskiisa magaalada Muqdisho kulan kula qaatay Wakiilka gaarka ah ee guddiga Midowga Afrika ahna madaxa howlgalka ATMIS Souef Mohamed El-Amine.

12/6/2022 5:05 AM EST
Talaado, December, 6, 2022 (HOL) - Madaxweynaha Soomaaliya Xasan Sheikh Maxamuud ayaa ciidamada xoogga dalka, kuwa Hirshabeelle iyo kuwa deegaanka uga mahad celiyay inay Shabaab ka xoreeyeen degmada Aadan Yabaal ee gobolka Shabeellada dhexe.

12/6/2022 2:04 AM EST
Talaado, December, 6, 2022 (HOL) - Madaxweynaha Soomaaliya Xasan Sheikh Maxamuud oo la kulmay Danjiraha Turkiga ee Soomaaliya Mehmet Yılmaz, Siihayaha Xilka Danjiraha Norway ee Soomaaliya, Haakon Svane, ayaa la wadaagay sida ay dowladdiisa uga go’an tahay dib u soo celinta wadahadallada Dowladda Federaalka Soomaaliya iyo Soomaaliland.

12/6/2022 1:53 AM EST
Talaado, December, 6, 2022 (HOL) - Guddida la dagaallanka musuqa ee degaanka Soomaalida ayaa maanta yeeshay kulankoodii u horreeyay, iyagoo soo saaray awaamiro cusub oo la dul dhigay dhammaan xafiisyada iyo laamaha kala duwan ee dowlad degaanka Soomaalida.

12/6/2022 1:31 AM EST
Talaado, December, 6, 2022 (HOL) - Shir wadajir ah oo dhexmaray ururka Jaamacada Carabta iyo Qaramada Midoobay ayaa looga hadlay sidii wax looga qaban lahaa xaaladda abaaraha ka jira Soomaaliya.

12/6/2022 1:03 AM EST
Talaado, December, 6, 2022 (HOL) - Guddoomiyaha xisbiga mucaaradka Somaliland ee UCID, ayaa sheegay in ururada siyaasada ee cusubi ay Somaliland burburinayaan.