2/4/2023
Today from Hiiraan Online:  _
Wararka Maanta- Isniin, Dec 5 , 2022
Ciidamada dowladda iyo kuwa dadka deegaanka oo goordhaw gudaha u galay degmada Aadan Yabaal
 

Isniin, December, 5, 2022 (HOL) - Ciidamada dowladda Fedaraalka Soomaaliya oo kaashanaya kuwa dadka deegaanka ayaa goordhaw gudaha u galay degmada Aadan Yabaal ee gobolka Shabeellaha Dhexe.

Mid ka mid saraakiisha hoggaamineysa howlgalada ka dhanka ah Al-shabaab oo la hadlay Warbaahinta ayaa sheegay in ciidanka iskaashanaya ay gudaha u galeen degmada Aadan Yabaal, islamarkaana ay haatan ku howlan yihiin miino baaris.

Ciidankaan gudaha u galay Aadan Yabaal ayaa dhowrkii maalmood ee lasoo dhaafay kaabiga ku hayey degmadan oo ugu dambeyn goordhaw ay si buuxda ay ula wareegeen iyagoo wax dagaal ah aysan la kulmin, waxaana degmadaani gacanta kooxda Al-shabaab ay ku jirtay dhowr iyo tobankii sano ee lasoo dhaafay.

Degmadaan Aadan Yabaal ayaa Al-shabaab u aheyd degmo istaraatiiji ah oo ay isaga kala gooshi jireen gobolada Hiiraan iyo Galgaduud, waxayna ka dhigan tahay degmadaan Shabaab lagala wareegay guul hor leh oo usoo hoyatay ciidanka dowladda iyo kuwa dadka deegaanka ee mudooyinkii dambe Shabaab kula dagaalamaayay Hiiraan iyo Shabeellaha Dhexe.












Click here
12/5/2022 9:52 AM EST
Isniin, December, 5, 2022 (HOL) - Xarunta Xuquuqal Insaaka Maxada-bannaan ee Somaliland, ayaa cambaaraysay xadhig booliisku u gaystay xubin ka tirsan ururka Kaah.

12/5/2022 9:02 AM EST
Isniin, December, 5, 2022 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre oo Maanta magaalada Muqdisho ka daahfuray shir looga hadlaayo xal u helida barakaca ayaa sheegay in muhiim tahay waxka qabashada colaadaha iyo isbadalka cimilada oo uu tilmaamay iney yihiin sababaha ugu horeeya ee keena barakaca.

12/5/2022 8:11 AM EST
Isniin, December, 5, 2022 (HOL) - Ciidamada Uganda ee qeybta ka ah howlgalka nabad ilaalinta midowga Afrika ee Soomaaliya (ATMIS) ayaa ka qeyb qaadanaya dagaal dhinaca cirka ah oo kooxda Shabaab looga xoreynayo gobolka gobolada dhexe ee Soomaaliya.

12/5/2022 4:25 AM EST
Isniin, December, 5, 2022 (HOL) - Dowladda Soomaaliya iyo lix dal oo kale oo ka tirsan urur goboleedka IGAD ayaa gaaray heshiis ku saabsan isu socodka xorta ah ee dadka.

12/5/2022 3:52 AM EST
Isniin, December, 5, 2022 (HOL) - Wararka naga soo gaaraya degmada Aadan Yabaal ee gobolka Shabeellaha Dhexe ayaa sheegaya in haatan dagaalo culus oo u dhaxeeya ciidanka dowladda oo garabsanaya kuwa deegaanka iyo Al-shabaab ay ka socdaan deegaanada kala ah Wartadibi samatar iyo Boos Caduur oo ah deegaano hoostaga degmada Aadan Yabaal.

12/5/2022 3:31 AM EST
Isniin, December, 5, 2022 (HOL) - Madaxa ciidamada TPLF Janaral Taddese Warade ayaa sheegay in boqolkiiba 65 ka mid ah dagaalyahannadooda ay ka baxeen furimaha dagaalka, sida ku caddayd heshiiskii TPLF iyo dowladda Itoobiya ku dhex maray Koonfur Afrika.

12/5/2022 2:39 AM EST
Isniin, December, 5, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa kulan la qaatay Guddoonka Golaha shacabka iyo Guddiyada Joogtada ah ee Golaha Shacabka Baarlamaanka Federaalka Soomaaliya, isagoona uga warbixiyey halganka dalka lagaga xorreynayo dagaalamayaasha Al-shabaab.

12/5/2022 1:41 AM EST
Isniin, December, 5, 2022 (HOL) - Warar dheeraad ah ayaa kasoo baxaya howlgal qorsheysan oo ay Xalay ka sameyeen ciidanka NISA, gaar ahaan kuwa loo yaqaano Duufaan xaafada Suuqa Xoolaha ee degmada Heliwaa ee gobolka Banaadir.

12/5/2022 12:53 AM EST
Isniin, December, 5, 2022 (HOL) - Ciidamada Booliska Soomaaliya ayaa garoonka diyaaradaha Aadan Cabdulle ee magaalada Muqdisho ku qabtay daawooyin aad u badan oo kaar jebiyayaal ah oo ay ku jiraan Pethidine iyo Cirbadda Oxytocin ee loo isticmaalo xilliga foosha dumarka.