2/4/2023
Today from Hiiraan Online:  _
Wararka Maanta- Sabti, Dec 3 , 2022
Ciidamada dowladda iyo kuwa dadka deegaanka oo Maanta la wareegay deegaano badan, kuna dhawaaday degmada Aadan yabaal
 

Sabti, December, 3, 2022 (HOL) - Ciidamada xoogga dalka Soomaaliya oo kaashanaya ciidanka dadka deegaanka ayaa Maanta Al-shabaab kala wareegay deegaano badan oo ka kala tirsan gobolada Hiiraan iyo Shabeellaha Dhexe.

Afhayeenka ciidanka xoogga  Soomaaliyeed Jenaraal Cabdullaahi Cali Caanood oo shir Jaraa’id qabtay ayaa sheegay in ciidanka ay kusii siqayaan degmadii ugu dambeysay ee kooxda Al-shabaab kaga sugnaayeen gobolka Shabeelaha Dhaxe, islamarkaana Maanta ciidamada dowladda la wareegeen deeganada kala ah Guulane, Daarusalaam, Xargadheerre iyo Mabaax oo ka kala tirsan gobolaa Hiiraan iyo Shabeelaha Dhaxe.

Afhayeen Caanood ayaa sidoo kale sheegay in howlgalada ka dhanka ah Shabaab ay sii socon doonaan ilaa inta Al-shabaab laga saaraayo guud ahaan deegaanada maamulka Hirshabeelle.

Wararkii ugu dambeeyay ee kusoo dhacaya warqabadka shabakada HOL ayaa sheegaya in ciidamada dowladda iyo kuwa dadka deegaanka ay kaabiga ku hayaan Degmada Aadan Yabaal oo ka mid ah degmooyinka muhiimka ah ee Al-shabaab ay maamulaan, waxaana halkaasi ka jira dhaqdhaqaaqii ugu dambeeyay oo ay ciidamadu ku doonayaan iney gudaha uhu galaan degmadaasi.












Click here
12/3/2022 10:19 AM EST
Sabti, December, 3, 2022 (HOL) - Raysal wasaaraha Xukuumadda fedaraalka Soomaaliya Xamse Cabdi Barre oo Maanta ka qeyb galay munaasabad lagu xusaayey Maalinta Caalamiga ah ee dadka qaba baahiyaha gaarka ah oo ay soo agaasintay Wasaaradda Haweenka iyo Xuquuqul Insaanka Soomaaliya ayaa khudbad dhinacyo badan taabaneysay oo muhiim ah ka jeediyay munaasabadda.

12/3/2022 8:29 AM EST
Sabti, December, 3, 2022 (HOL) - Guddoomiyaha Xisbiga UCID Faysal Cali Waraabe, ayaa waali ku tilmaamay talaabada ay xukuumadu ku doonayso in lagu galo doorashada ururada.

12/3/2022 6:54 AM EST
Sabti, December, 3, 2022 (HOL) - Qaar kamid ah xildhibaannada barlamaanka Soomaaliya ayaa nasiib darro ku tilamamay in lagu xad gudbay xasaanaddooda, iyagoo sheegay inay hay’adaha amnigu ula dhaqmeen si xad gudub ah.

12/3/2022 2:55 AM EST
Sabti, December, 3, 2022 (HOL) - Guddoomiyaha maamulka gobolka Hiiraan Cali Jeyte Cismaan ayaa go'aan culus kasoo saaray dhigashada isbaarooyinka lagu dhibaateeyo dadka shacabka ee masaafurka ah.

12/3/2022 2:22 AM EST
Sabti, December, 3, 2022 (HOL) - Wasiirka arrimaha Horumarinta dalka UK, Andrew Mitchell, ayaa ku dhawaaqay taageero cusub oo ay UK siinayso Soomaaliya kadib booqashadiisii ugu horreysay ee uu ku yimid Soomaaliya tan iyo markii loo magacaabay.

12/3/2022 1:31 AM EST
Sabti, December, 3, 2022 (HOL) - Wareega group-yada ee koobka adduunka ee ka socda dalka Qatar ayaa lasoo gabagabeeyay waxaana hadda loo soo gudbay wareegga bug-baxa oo ay 16 kooxood isugusoo hareen.