2/4/2023
Today from Hiiraan Online:  _
Wararka Maanta- Jimco, Dec 2 , 2022
Ciidanka Booliiska Soomaaliya oo shaaciyay iney gacanta ku dhigeen nin dili rabay Askari ka tirsan ciidanka dowladda
 

Jimco, December, 2, 2022 (HOL) - Ciidanka Booliiska Soomaaliya ayaa sheegay iney gacanta ku dhigeen nin hubeysan oo dil u geysan rabay askari ka tirsan ciidanka dowladda Fedaraalka Soomaaliya, kaasoo magaciisa lagu sheegay Muxsin Cali Mustaf.

Afhayeenka ciidamada Booliiska Soomaaliyeed Sadiiq Aadan Cali Doodishe ayaa sheegay in ciidamada amniga ay ninkaan hubeysan ku qabteen degmada Wadajir, isagoo ku hubeysan bastoolad, islamarkaana xilliga la qabanayay uu doonayay inuu degmada Wadajir ee gobolka Banaadir ku dilo askari ka tirsan ciidanka Ilaalada deegaanka Xamar.

“Ciidanka Boliiska Soomaaliyeed ee Degmada Wadajir ayaa gacanta ku soo dhigay Eedeysane Khawaarij Muxsin Cali Mustaf ina Hooyo Iisho Muqtaar Cali iyo bastooladiisa, oo maanta 09:50 barqanimo xili uu ku howlanaa inuu dilo askari ka tirsan Ciidanka Ilaalada Deegaanka Xamar” ayuu yiri Afhayeenka ciidanka Booliiska Soomaaliya Sadiiq Duudishe.

Afhayeenka ciidanka Booliiska Soomaaliya ayaa sidoo kale shacabka Soomaaliyeed ka dalbaday iney kala shaqeeyaan arrimaha amniga magaalada Caasimadda ah ee Muqdisho, isagoona si weyn u bogaadiyay dadkii ku dhiiraday iney kala shaqeeyaan ciidanka in gacanta lagu dhigo eedeysanaha la sheegay inuu dili rabay askariga ka tirsan ciidamada ilaalada deegaanka Xamar.












Click here
12/2/2022 12:28 PM EST
Jimco, December, 2, 2022 (HOL) - Madaxweynaha dowladda Fedaraalka Soomaaliya Dr. Xasan Sheekh Maxamuud oo Maanta ka qeyb galay Munaasabadda Qalin jabinta Aqoonyahannada Soomaaliyeed ee sanadkaan ka baxay Jaamacadda Nabadda ee Qaramada Midoobay ayaa maamulka Jaamacadda waxay go'aamiyeen iney Madaxweynaha ugu magac-daraan xarunta ay ku leeyihiin Soomaaliya.

12/2/2022 9:55 AM EST
Jimco, December, 2, 2022 (HOL) - Madaxweynaha dowlad degaanka Soomaalida Mustafe Cagjar oo si waafi ah uga hadlay tacaddiyadii hadda ka hor ka dhacay degaanka Soomaalida ayaa sheegay in guud ahaan tacaddiyo kala duwan ay ka dhaceen degaanka gaar ahaan xilligii xukuumaddii isaga ka horreysay ee Cabdi Maxamuud Cumar.

12/2/2022 9:24 AM EST
Jimco, December, 2, 2022 (HOL) - Duhurnimadii Maanta waxaa dabaq ku yaala degmada Xamar Jajab ee gobolka Banaadir iska soo tuurtay gabar dhalinyaro ah oo magaceeda lagu soo koobay Fartuun.

12/2/2022 6:32 AM EST
Jimco, December, 2, 2022 (HOL) - Guddoomiye ku xigeenka koowaad ee Baarlamaanka Fedaraalka Soomaaliya Sacdiyo Yaasiin Samatar ayaa Maanta magaalada Muqdisho kulan kula qaadatay qaar ka mid ah Culimada Soomaaliyeed oo ay kala hadashay arrimo la xariira hadal dhawaan ay jeedisay oo si weyn u looga falceliyay.

12/2/2022 4:47 AM EST
Jimco, December, 2, 2022 (HOL) - Wararka naga soo gaaraya deegaanka Goofgaduud Buureey oo qiyaastii magaalada Baydhabo ee xarunta gobolka Baay u jirta ilaa 30 KM ayaa sheegaya in ciidamada dowladda Soomaaliya iyo kuwa maamulka Koonfur Galbeed oo halkaasi fariisimo adag ku lahaa iney isaga baxeen deegaankaasi.

12/2/2022 2:47 AM EST
Jimco, December, 2, 2022 (HOL) - Wararka ka imaanaya deegaanka Deynuunaay ee gobolka Baay ayaa sheegaya in deegaankaasi gacan ku heyntiisa ay la wareegeen dagalaamayaasha kooxda Al-shabaab, kadib dagaalo culus oo shalay galinkii dambe halkaasi ku dhexmaray ciidamada dowladda iyo kuwa Al-shabaab.