3/29/2024
Today from Hiiraan Online:  _
Wararka Maanta- Khamiis, Dec 24, 2020
Xassan Sheekh '' Tallaabada uu qaaday madaxweyne Farmaajo waxey ka dhiggan tahay in Dastuurkii dalka la laalay

 

Khamiis, December, 24, 2020 (HOL) - Madaxweynihii hore ee Soomaaliya Xassan Sheekh Maxamuud ayaa ka hadlay tallaabadii uu madaxweyne Maxamed Cabdullaahi Farmaajo ku saxiixay xeer dib u dhiggaya wax ka badal lagu sameeyo Dastuurka dalka.

Xassan Sheekh ayaa ku tilmaamay saxixa madaxweynaha mid aan sharciyada meelna ku laheyn, isaga oo intaa ku darray in ay ka dhigan tahay in gabi ahaanba la laalay Dastuurkii dalka.

Isaga oo warbaahinta kula hadlayay hoyga uu ka deggan yahay magaalada Muqdisho ayuu Xassan Sheekh sheegay in dalkan aan lagu celin karin Digireeto wax lagu xukumo.

Xeerkan uu saxiixay Madaxweyne Farmaajo ayaa dhaqan galay maanta oo ay taariikhdu tahay 24-ka Diseembar 2020, waxaana la baabi’iyey Sharciga iyo xeer kasto oo ka soo horjeedo arrinkan, iyadoo lagu soo daabicayo Faafinta rasmiga.

Xasan Sheekh"Shalay labada aqal inay wadajir u kulmaan ayey aheyd oo ay ka hadlaan arinta dastuurka oo aan ka hadlay 12-kii bishan balse Farmaajo wuu hor istaagay xalayna digreeto aan sharci ahayn ayuu soo saaray"  

''Waxaan u argnaa in Digteetarnimada dhismaheeda uu dabaq kale ku sii darray, dalkan wuu ka soo gudbay xiligii lagu xumi jiray Digreeto ayuu hadalkiisa sii raaciyay.

Hadalka Xassan Sheekh ayaa imanaya xili siyaasada dalku aysan degeneyn siweynna leysugu maan-dhaafsan yahay hanaanka loo marayo doorashada dalka.

Cabdiraxmaan Diini, Hiiraan Online
[email protected]    














Click here
12/24/2020 11:08 AM EST
Khamiis, December, 24, 2020 (HOL) Guddoomiyaha Aqalka Sare ee Soomaaliya Cabdi Xaaji Cabdullaahi oo shir jaraa'id qabtay ayaa ku eedeeyay madaxweynaha dowladda Soomaaliya Maxamed Cabdullaahi Farmaajo in uu ku dhaqaaqay tallaabo halis ku ah hay'addaha dastuuriga ah.

12/24/2020 7:33 AM EST
Khamiis, December, 24, 2020 (HOL) - War murtiyeed ayaa kasoo baxay shir maanta magaalada Gaalkacyo ku dhexmaray madaxweynayaasha dowlad goboleedyada Puntland iyo Galmudug, Siciid Deni iyo Axmed Qooroor.

12/24/2020 6:16 AM EST
Khamiis, December, 24, 2020 (HOL) - Guddoomiyaha aqalka sare Cabdi Xaashi Cabdullaahi iyo siyaasiyiinta kasoo jeeda gobolada waqooyi ayaa kasoo horjeestay war kasoo baxay guddiga doorashada oo shaaciyay jadwalka doorashada aqalka sare.

12/24/2020 5:48 AM EST
Khamiis, December, 24, 2020 (HOL) - Madaxweynayaasha Puntland iyo Galmudug Siciid Cabdullaahi Deni iyo Axmed Cabdi kaariye Qoorqoor ayaa magaalada Gaalkacyo ku yeeshay kulan ku saabsan Iskaashiga labada maamul goboleed.

12/24/2020 3:50 AM EST
Khamiis, December, 24, 2020 (HOL) - Ciidamada Booliska magaalada Baledweyne ayaa goordhaw xabsiga dhigay guddoomiyaha Idaacaddaha ku midoobay magaca SOMA ahna milkiilaha Idaacadda Hiiraanweyn Maxamed Cismaan Makaraan.

12/24/2020 2:29 AM EST
Khamiis, December, 24, 2020 (HOL) -Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa saxiixay Xeer Madaxweyne oo dib u dhigaya ansixinta Wax-ka-beddelka Dastuurka Kumeel Gaarka ah maadaama la galay xilligii doorashooyinka oo ay sii dhammaaneyso muddada xilhaynta Barlamaanka 10aad, ayna bilaabanayso muddo Xileedka Barlamaanka 11aad ee Jamhuuriyadda Federaalka Soomaaliya.

12/24/2020 1:39 AM EST
Khamiis, December, 24, 2020 (HOL) - In ka badan 100 ruux ayaa la dilay kaddib markii koox dabley ah oo heyntooda la aqoon weerareen tuulo ku taala gobolka Benishangul-Gumaz ee dalka Itoobiya.

12/24/2020 12:20 AM EST
Khamiis, December, 24, 2020 (HOL) - Wariye Cabdiqaadir Dulyar oo ka mid ah wariyayaasha Soomaaliyeed safar shaqana ku yimid magaalada Beledweyne ayaa xabsiga la dhiggay kaddib markii uu maalintii shalay soo wareystay Jeneraal Abuukar Xaaji Warsame Xuud oo dulleedka magaalada Beledweyne ku heysta xoogag ka soo horjeeda maamulka Hirshabeelle.

12/24/2020 12:08 AM EST
Khamiis, December, 24, 2020 (HOL) - Waxaa xalay dalka Jarmalka ku geeriyooday Fanaankii weyn ee Soomaaliyeed Cabdi Cali Bacalwaan oo waayadii ugu danbeeyay lagu waramayo in uu dalkaasi ku xanuusanayay.