Diyaarado duqeyn ka geystay saldhigyo Al-shabaab ay ku leeyihiin gobollada Jubbooyinka
Isniin, Augusto, 26, 2019 (HOL)-Faah faahin dheeraad ah ayaa ka soo baxaya duqeymo diyaarado dagaal ay ka geysteen saldhigyo Ururka Al-shabaab ay ku leeyihiin gobollada Jubbooyinka.
Wararka ka imanaya degmooyinka Jilib, Saakow, Bu’aale iyo Salagle ayaa sheegaya in saldhigyo halkaa Al-shabaab ku lahaayeen duqeymo u geysteen diyaarado dagaal.
Saraakiil ka tirsan militariga Soomaaliya ayaa xaqiijiyey jiritaanka
weeraradan inkastoo aysan faahfaahin dheeraad ah ka bixin sida ay u
dhaceen.
Waxaa ay saraakiishu sheegeen in duqeynta ka dhacday degmada Bu’aale lala beegsaday saldhig ay ku sugnayaeen saraakiil iyo dagaalamayaal ka tirsan
Al-Shabaab, inkastoo aan la xaqiijin khasaaraha ka dhashay duqeynta.
Dhinaca kale wararka ka imanaya degmada Jilib ayaa sheegaya in diyaaradaha dagaalku ku haleeleen kolonyo ay la socdeen xoogag ka tirsan Al-Shabaab, lamana oga khasaaraha ka dhashay.
Duqeymaha inta badan laga geysto deegaannada Soomaaliya ay ka maamulaan Ururka al-shabaab ayaa waxaa sheegta taliska Mareykanka Africom oo gataalo iyo duqeymo diyaaradeed ugu dilay saraakiil sar sare oo ka tirsan Al-shabaab.
C/raxmaan Diini, Hiiraan Online
[email protected]
