Wasiirka Dib-u-heshiisiinta Galmudug'' Waa been abuur warka ka soo yeeray Ahlu Sunna
Sabti, Augusto, 24, 2019 (HOL)- Wasiirka
Dib-u-hishiisiinta Galmudug Saalax Cabdullaahi Maxamed ayaa waxba kama jiraan
ku tilmaamay War ka soo baxay Ahlu Sunna oo lagu sheegay in shirka
dib-u-heshiisiinta Dhuusa-Mareeb la doonayo in laga qeybgaliyo xubno ka tirsan
Al-shabaab.
Wasiirka ayaa sheegay in aysan jirin Odayaal Al-shabaab ah oo soo gaaray Dhuusa-mareeb,
islamarkaana Ergooyinkii ka qeyb galaya Shirka dib u heshiinta Galmudug ay
sheegeen in Al-shabaab lagu tilmaamay.
Wasiirka Wasaaradda Arrimaha Gudaha Galmudug Duraan Maxamed Samatar ayaa
shalay sheegay in ergooyinka shirka dib- u- heshiisinta Galmudug ay
tageen deegaanno ay maamulaan Al-Shabaab, islamarkaana ay la dhex imaan doonaan
dhismaha Maamulka Cusub ee Galmudug islamarkaana laga cabsi qabo in xubno la shaqeeya
Al-Shabaab ay ka mid noqdaan Galmudug.
Waxaa soo ifbaxaya khilaaf xooggan oo u dhaxeeya
maamulka Galmudug iyo xubnihii horey uga tirsanaa Ahlu Sunna ee markii danbe ku
biiray maamulka.
Qoraal ka soo baxay Ahlu Sunna Waljameeca ayaa
lagu sheegay in marnaba la aqbali doonin qorshaha dowladda ee la doonayo in
deegaannada Ahlu Sunna lagu keeno ciidamo ka tirsan AMISOM iyo kuwa dowladda
Soomaaliya.
C/raxmaan Diini,
Hiiraan Online
[email protected]