Afar gabdhood oo mataana ah ay ku dhashay Isbtilaaka Tuulada Guri Ceel oo ka tirsan gobolka Galgaduud.gabar

Waalidiinta dhalay mataanahan oo la kala yiraahdo Jamaad Cabdi Siyaad iyo Nuur Warsame Fiidow oo aan la sheekeystay ayaa ii sheegay inay ka yimaadeen dhulka baadiyaha ah ee agagaarka Guriceel oo ay markii ay Jamaad Foolatay ay dhashay gabarta ugu horreysa ay si aad ah u dhiigbaxday kaddibna loola soo cararay Isbitaalkan, oo ay markaas 24 saac dabadeedna ay dhashay saddexda gabdhood ee kale.

Waalidiinta carruurtan oo ay ka muuqato dhibaatooyin badan ayaa waxay ii sheegeen inay si weyn ugu qanacsan yihiin daryeelkii caafimaad iyo waliba gurmadkii ay ka heleen Isbitaalkan. Qaar ka mid ah shaqaalaha caafimaadka ayaa ii sheegay inay hooyad caruurtan ay ku shuubeen Dhiig, kana daaweeyn cudurka maleriayada oo si xun u hayay Jamaad cabdi.

Waxaa isla Isbitaalkaas lagu qabtay xaflad Saanad Guurada 1aad ka soo wareegtay aasaaska Istarliin Hospital. Xafladdan oo si weyn loo soo agaasimay ayaa waxa ka soo qeyb galay marti shaaf ka kala socotay gobolada Hiiraan, Mudug iyo dhammaan degmooyinka uu ka kooban yahay gobolka Galgaduud.

Furitaankii shirkan ayaa waxa ugu horreyntii halkaas hadallo warbixin ah ka soo jeediyay Agaasime ku xigeenka Isbitaalka Mr. Cali Cumr Tarabi oo ka warbixiyay xaaladda guud ee Isbitaalka, sidoo kale waxa halkaas warbixinta caafimaad ee sannadka halkaas ku soo bandhigay Kalkaaliye Sare C/Qaadir Xirsi Rooble, si qoto dheerna u faahfaahiyay howlaha guud ee uu isbitaalku qabtay muddadii sannadka ahayd ee uu isbitaalkani furnaa.

Sidoo kale waxa halkaas hadal aad u qiimo badan ka soo jeediyay agaasimaha Isbitaalka Dr. Cabaas Max’ed Warsame, waxana uu sharraxaad dheer ka bixyay sida loogu guulaystay Aasaaskii Isbitaalkan, oo haddii ay dadku isku dayaan inay wax samaysan karaan, taa oo uu dhakhtarku ku macneeyay in saanad ka hor aysan jirin wax Isbitaalka ah, balse hadda ay leeyihiin dadka gobolada dhexe Isbitaal iyo waliba daryeel caafimaadba.

Dr. Cabaas ayaa waxa uu ku nuux nuuxsaday kana cawday dadka bukaanka ah qaarkii oo uu ku eedeeyay ayagoon sheegin cudurka haya ama sida lo ohayo uu qofku amrayo dhakhtarka ama ka codsanayo in uu Raajo u diro ama dawada noocaas ah ha laysiiyo leh, taasoo uu ku tilmaamay dhakhratku inay tahay wacyigelinta ama baraarujinta caafimaad ee dadka inay liidato. Dhanka kale, waxa uu dhakhtarku ka codsaday in ay Haweenku Nuujiyaan Ubadkooda, haddii kale uusan ilmuhu ka baxaynin caafimaad darro, waxana uu dhakhtarku halku dhigga sannadkan ka dhigay inuu noqdo sannadka Naasnuujinta Caruurta taasoo kaga codsaday guud ahaan haweenka Soomaaliyeed gaar ahaan haweenka gobolada dhexe inay qaataan farriintaas oo ay sannadka dambena kororto tirade haweenka carruurtooda naaska nuujiya.

Xasan Sheekh Nuur Rooble oo ka mid ah Jaaliyadda Soomaalida Gobolada dhexe ee deggan dalka Ingiriiska oo halkaas ka hadlayay ayaa waxa uu si aad ah ugu cel celiyay in dadka deggan gobolda dhexe ay soo sameeyaan soo jiidasho ay Soomaalida kale kula noolaadaan gobolka uusannan noqon meel Qabiil kaligii deggan yahy. Dh anka kale waxa uu ka codsaday kuna adkeeyay dadkii halkaas isugu yimid in ay sameeyaan Qaaraan lacag loogu aruurinayo dadka bukaanka ah ee jiifa Isbitaalka si looga dhigo raashin, halkaasoo ay dadkii halkaas isugu yimidna ay ka oggolaadeen.

Haddaba intiisa aan ku sugnaa gudaha isbitaalka ayaa waxan halkaas ku arkay gabar Soomaaliyeed oo Isbitaalkan ku dhashay 4 gabdhood oo mataano ah, waalidiinta mataanahan oo lakala yiraahdo Nuur Warsame Fiidow iyo Jamaad Cabdi Siyaad oo aan la sheekeystay ayaa ii sheegay inay ka yimaadeen dhulka baadiyaha ah ee agagaarka Guriceel oo ay markii ay Jamaad Foolatay ay dhashay gabarta ugu horreysa ay si aad ah u dhiigbaxday kaddibna loola soo cararay Isbitaalkan, oo ay markaas 24 saac dabadeedna ay dhashay saddexda gabdhood ee kale.

Waalidiinta carruurtan oo ay ka muuqato dhibaatooyin badan ayaa waxay ii sheegeen inay si weyn ugu qanacsan yihiin daryeelkii caafimaad iyo waliba gurmadkii ay ka heleen Isbitaalkan. Qaar ka mid ah shaqaalaha caafimaadka ayaa ii sheegay inay hooyad caruurtan ay ku shuubeen Dhiig, kana daaweeyn cudurka maleriayada oo six xun u hayay Jamaad cabdi, ugu dambeyntiina ay ku guuleysteen inay si buuxda uga daweeyaan.

Guud ahaan xafladdii manta ayaa ku dhammaatay jawi wanaagsan oo farxadeed

Aadan Xasan Bashiir
Hiiraan Online
Guriceel, Galgaduud